Western Times News

Latest News from Gujarat India

વરુણ-કિયારા મુંબઈના ટ્રાફિકથી કંટાળીને મેટ્રોમાં નીકળી પડ્યા

મુંબઈ, અભિનેતા વરુણ ધવન, કિયારા અડવાણી, અનિલ કપૂર અને નીતૂ કપૂરની ફિલ્મ જુગ જુગ જિયો આ મહિને ૨૪મી જૂનના રોજ રીલિઝ થવાની છે. ફિલ્મની કાસ્ટ અત્યારે પૂરજાેશમાં પ્રમોશનમાં વ્યસ્ત છે. વિવિધ રિયાલિટી શૉમાં તેઓ પ્રમોશન માટે જઈ રહ્યા છે.

વ્યસ્ત કાસ્ટે આજે સમય બચાવવાનો અને ટ્રાફિકથી બચવાનો ઉપાય અજમાવ્યો છે. વરુણ ધવન સહિતની જુગ જુગ જિયોની ટીમ લક્ઝરી કાર્સ છોડીને મેટ્રોની સવારી કરતી જાેવા મળી હતી. પબ્લિક ટ્રાન્સપોર્ટનો ઉપયોગ કરીને તેમણે મુંબઈના ટ્રાફિકથી બચવાનો પ્રયત્ન કર્યો હતો.

સોશિયલ મીડિયા પર આ તસવીરો શેર થઈ રહી છે. ટિ્‌વટર પર વાયરલ તસવીરોમાં જાેઈ શકાય છે કે, વરુણ ધવન અને કિયારા અડવાણીની સાથે સાથે અનિલ કપૂર પણ હતા. એક વીડિયોમાં તો જાેઈ શકાય છે કે કિયારા અને વરુણ ધવન વડાપાવ ખાઈ રહ્યા છે. જુગ જુગ જિયોની ટીમે મુંબઈના ટ્રાફિકથી બચવા માટે મેટ્રોનો ઉપયોગ કર્યો જેથી સમયસર પ્રમોશન માટે પહોંચી શકે.

એક વીડિયોમાં જાેઈ શકાય છે કે વરુણ ધવન કહી રહ્યો છે કે ટ્રાફિકથી બચવા માટે આ સારો રસ્તો છે અને આ ટ્રેન પણ ઘણી સારી રીતે બનાવવામાં આવી છે, મેઈન્ટેઈન પણ સારી કરી છે. તમને જણાવી દઈએ કે, જુગ જુગ જિયો ફિલ્મને ગુડ ન્યુઝ ફિલ્મના ડાઈરેક્ટર રાજ મહેતાએ જ ડાઈરેક્ટ કરી છે. ધર્મા પ્રોડક્શનની આ ફિલ્મમાં ફેન્સને ફેમિલી રિયૂનિયન, રોમાન્સ, પ્રેમ અને ડ્રામા જાેવા મળશે.

ફિલ્મ દેશભરમાં ૨૪ જૂન, ૨૦૨૨ના રોજ રીલિઝ થવાની છે. ફિલ્મમાં વરુણ ધવન, કિયારા અડવાણી, નીતૂ કપૂર અને અનિલ કપૂર સિવાય મનીષ પૉલ અને પ્રાજક્તા કોહલી પણ જાેવા મળશે. કિયારા અડવાણી અત્યારે સફળતાની મજા માણી રહી છે.

તાજેતરમા જ તેની ફિલ્મ ભૂલ ભુલૈયા ૨ રીલિઝ થઈ હતી જે ૧૭૦ કરોડથી વધારે કમાણી કરી ચૂકી છે. આ પહેલા શેરશાહ ફિલ્મ પણ સુપરહિટ સાબિત થઈ હતી. ૧૪મી જૂનના રોજ કિયારા અડવાણીએ ઈન્ડસ્ટ્રીમાં આઠ વર્ષ સમાપ્ત કર્યા છે. તેણે ફગલી ફિલ્મ સાથે ડેબ્યુ કર્યુ હતું.SS1MS

Copyright © All rights reserved. | Developed by Aneri Developers