ટીના અંબાણીએ મહિમા ચૌધરીને અસલી હીરો ગણાવી
મુંબઈ, મહિમા ચૌધરી હવે કેન્સર મુક્ત થઈ ગઈ છે અને તેની અપકમિંગ ફિલ્મનું શૂટિંગ પણ શરૂ કરી દીધું છે. આશરે એક અઠવાડિયા પહેલા અનુપમ ખેરે તેમના સોશિયલ મીડિયા હેન્ડલ પર એક વીડિયો શેર કરીને મહિમા ચૌધરીને બ્રેસ્ટ કેન્સર હોવાની વાત કરી હતી.
વીડિયો વાયરલ થયા બાદ એક્ટ્રેસ પર શુભેચ્છાઓનો વરસાદ થયો હતો. હવે, તેણે તેના ઈન્સ્ટાગ્રામ પર એક લાંબો વીડિયો શેર કર્યો છે અને તેની આ જર્ની દરમિયાન સાથ આપનારી દરેક વ્યક્તિનો આભાર માન્યો છે. આ સિવાય તેણે કેન્સરની સર્જરી ક્યાં કરાવી તે જાણવા માટે આતુર ફેન્સને જવાબ પણ આપ્યો છે. ટીના અંબાણીએ પણ મહિમાનો વીડિયો રિશેર કરીને તેને ‘રિયલ હીરો’ ગણાવી છે.
વીડિયોમાં મહિમા ચૌધરી કહી રહી છે કે ‘છેલ્લા કેટલાક દિવસમાં મને પ્રેમ તેમજ શુભેચ્છા મોકલનારા લોકોનો આભાર માનવા માગુ છું. હું તમને મારો પ્રેમ પરત મોકલી રહું છું. બધા જાણવા માગે છે કે મેં સર્જરી ક્યાં કરાવી. મારી સર્જરી ધીરુભાઈ કોકિલાબેન અંબાણી હોસ્પિટલમાં થઈ હતી.
ત્યાં ડોક્ટરોએ મારું ઘણું ધ્યાન રાખ્યું. હું અહીંયા ટીના અંબાણીનો ખાસ ઉલ્લેખ કરવા માગુ છું, ખૂબ ખૂબ આભાર. તમે મારા પ્રત્યે ખૂબ સપોર્ટિવ રહ્યા. ફિલ્મ ઈન્ડસ્ટ્રીનો પણ આભાર. જેમની સાથે કામ નથી કર્યું તેમણે પણ મારો સંપર્ક કર્યો હતો.
હું અનુપમ ખેરનો પણ આભાર માનવા માગુ છું. તમે મને ઘણી હિંમત આપી. ભગવાન તમને બધાને હંમેશા હેલ્ધી રાખે. પ્રેમ વરસાવતા રહો. તમને બધાને ખૂબ પ્રેમ’ મહિમા ચૌધરીનો વીડિયો ટીના અંબાણીએ તેમના ઈન્સ્ટાગ્રામ પર શેર કર્યો છે અને લખ્યું છે ‘અદ્દભુત મેસેજ માટે તારો આભાર મહિમા.
તારી રિકવરીમાં સામેલ દરેક વ્યક્તિનું નામ લઈને આભાર માનવો તે વિચારશીલ છે. અમારી ટીમ તારા જેશ્ચરથી પ્રભાવિત થઈ છે. તને કામ પર પરત લાવવામાં સપોર્ટ આપવા માટે અનુપમનો વિશેષ આભાર. તું રિયલ હીરો છે.
રિકવરી માટે તારી લડાઈ અને પ્રતિબદ્ધતા ખરેખર પ્રેરણાદાયી છે! તને ખૂબ-ખૂબ શુભેચ્છા અને પ્રેમ’. જર્ની કેટલી પડકારજનક હતી તે વિશે વાત કરતાં મહિમા ચૌધરીએ જણાવ્યું હતું કે, ‘તે માનસિક જંગ હતી. ૨૦૨૧ના અંતમાં સામાન્ય વાર્ષિક ચેક-અપ દરમિયાન મને કેન્સર હોવાનું નિદાન થયું હતું. મને વધુ ટેસ્ટ કરવાનું કહેવામાં આવ્યું હતું. ચાર મહિના સુધી મારી સારવાર ચાલી હતી.
મેં મારી સારવાર મુંબઈમાં કરાવી હતી અને મને લાગે છે કે હું સંપૂર્ણ રીતે રિકવર થઈ ગઈ છું. પણ તે મુશ્કેલ જર્ની હતી. હું તે વિશે વાત કરવા નથી માગતી કારણ કે હું નથી ઈચ્છતી કે લોકો ગભરાઈ જાય. તેની સારવાર થઈ શકે છે અને તેથી હું કોઈને ડરાવવા નથી માગતી. હું હવે ઠીક છું અને સેટ પર કામ કરી રહી છું’. જણાવી દઈએ કે, એક્ટ્રેસ હાલ કેન્સરના કારણે વાળ ખરી ગયા હોવાથી વીગ પહેરીને ફિલ્મ ‘ધ સિગ્નેચર’નું શૂટિંગ કરી રહી છે.SS1MS
