બેટસમેનનો શોટ નોન સ્ટ્રાઈકરના બેટને અડીને ફિલ્ડરના હાથમાં ગયો
ઈંગ્લેન્ડ સામેની ત્રીજી ટેસ્ટ મેચમાં ન્યૂઝીલેન્ડનો બેટસમેન હેનરી નિકોલ્સ વિચિત્ર રીતે આઉટ થયો હતો
હેડિંગ્લે, ઈંગ્લેન્ડ અને ન્યુઝીલેન્ડ વચ્ચેની મેચમાં ન્યુઝીલેન્ડનો બેટ્સમેન હેનરી નિકોલ્સ ગુરૂવારે અલગ અંદાજમાં આઉટ થયો હતો. ક્રિકેટના ઈતિહાસમાં ભાગ્યે જ કોઈ બેટ્સમેન આવી રીતે આઉટ થયો હતો. તેની આઉટ થવાની રીતને જાેઈને એનેક લોકો આશ્ચર્યચકિત થઈ ગયા હતા. ઈંગ્લેન્ડ સામેની સીરીઝની ત્રીજી ટેસ્ટ મેચના પ્રથમ દિવસે ન્યુઝીલેન્ડે ૧૨૩ રનના સ્કોર સુધી પોતાની ૫ વિકેટ ગુમાવી દીધી હતી.
હેનરી નિકોલ્સ ટીમની ૫મી વિકેટ તરીકે પેવેલિયન પરત ફર્યો હતો. હકીકતમાં જેક લીચ મેચની ૫૬મી ઓવરમાં બોલિંગ કરી રહ્યો હતો. ન્યુઝીલેન્ડનો હેનરી નિકોલ્સ સામે બેટીંગ કરી રહ્યો હતો. જ્યારે તેણે શોટ રમ્યો ત્યારે બોલ નોન-સ્ટ્રાઈકરના છેડે ડેરીલ મિશેલના બેટ સાથે અથડાયો હતો. તેણે બચવાનો પણ પ્રયાસ કર્યો હતો પરંતુ મિશેલના બેટ સાથે અથડાયા બાદ બોલ સીધો મિડ-ઓફમાં ઉભેલા લીગના હાથમાં ગયો હતો.
આ રીતે નિકોલસ ૧૯ રન બનાવીને અલગ અંદાજમાં આઉટ થયો હતો. જાે મેચની વાત કરીએ તો, અત્યાર સુધીમાં આ ત્રીજી ટેસ્ટ મેચમાં ન્યૂઝીલેન્ડે ટોસ જીતીને પ્રથમ બેટિંગ કરવાનો ર્નિણય લીધો છે. વરસાદના કારણે મેચ રોકાય તે પહેલા ન્યુઝીલેન્ડે ૭૪ ઓવર રમીને ૫ વિકેટના નુકસાન પર ૧૮૭ રન બનાવ્યા હતા.નિકોલસ આઉટ થતાની સાથે જ કોમેન્ટેટર નાસિર હુસૈને કહ્યું, ‘તે કેવી રીતે થયું. મિશેલ નોન-સ્ટ્રાઈકરના છેડે ઊભો હતો,
તે બોલને દૂર કરવાનો પ્રયાસ કરી રહ્યો હતો, અમ્પાયર દૂર જવાનો પ્રયાસ કરી રહ્યો હતો અને બોલ મિડ-ઑફમાં ગયો હતો. મને વિશ્વાસ નથી.’ એમસીસીએ નિયમો સમજાવતા લખ્યું, ‘કાયદા ૩૩.૨.૨.૩ મુજબ, જાે બોલ વિકેટ, અમ્પાયર, અન્ય ફિલ્ડર, રનર અથવા બેટ્સમેનને ફટકાર્યા પછી કોઈ ખેલાડી દ્વારા પકડવામાં આવે છે, તો તે બેટિંગ કરી રહ્યો છે. ખેલાડી બહાર ગણવામાં આવે છે.’SS2KP
