મલાઈકા અને અમૃતા અરોરા કરીનાના પુત્રને જાેવા પહોંચ્યા
કરીના કપૂર અને સૈફ અલી ખાનને ત્યાં ૨૧મી ફેબ્રુઆરી, ૨૦૨૧ના રોજ બીજા બાળકનો જન્મ થયો. બે દિવસના આરામ બાદ, મમ્મી કરીનાને મંગળવારે હોસ્પિટલમાંથી ડિસ્ચાર્જ કરવામાં આવી હતી. આ દિવસે સાંજે જ બેબોની બેસ્ટફ્રેન્ડ્સ મલાઈકા અરોરા અને અમૃતા અરોરા નવજાત બાળકને મળવા માટે બેબોના ઘરે પહોંચી હતી. આ દરમિયાન મલાઈકાની સાથે અર્જુન કપૂર પણ હતો. જે કરીના અને સૈફનો પણ સારો ફ્રેન્ડ છે. મલાઈકા, અમૃતા અને અમૃતા સિવાય માસી કરિશ્મા કપૂર, ફોઈ સોહા અલી ખાન અને ફુઆ કુણાલ ખેમૂ પણ ‘સૈફીના’ના બીજા દીકરાને રમાડવા માટે ગયા હતા.
મલાઈકા અરોરાએ ઓલિવ-ગ્રીન કલરનું કો-ઓર્ડ અને વ્હાઈટ કલરનું બ્રાલેટ પહેર્યું હતું. જ્યારે અર્જુન રેડ ચેક્ડ શર્ટ અને બ્લેક ડેનિમમાં જાેવા મળ્યો હતો. તો અમૃતાએ ફ્લોરલ પ્રિન્ટના આઉટફિટની સાથે યલ્લો જેકેટ કેરી કર્યું હતું. કોરોનાને ધ્યાનમાં રાખીને ત્રણેય માસ્ક પહેરીને આવ્યા હતા. સોહા અલી ખાને કલરફુલ ટોપ અને બ્લેક લેગિંગ અને મેચિંગ માસ્ક પહેર્યું હતું. જ્યારે કુણાલ ખેમૂએ ગ્રે ટી-શર્ટ અને બ્લૂ ડેનિમ પહેર્યું હતું. તો કરિશ્મા બ્લેક લોન્ગ ડ્રેસ અને ગ્રે કલરના જેકેટમાં જાેવા મળી હતી.
કરીના અને સૈફના ઘરે જતી વખતે અને બહાર નીકળતી વખતે તમામે કેમેરા સામે જાેઈને પોઝ આપ્યા હતા. મંગળવારે બપોરે હોસ્પિટલમાંથી ઘરે આવ્યા બાદ કરીના તેની બાલ્કનીમાં આરામ ફરમાવતી જાેવા મળી હતી. તૈમૂરના જન્મ પછી તરત જ કપલે તેની તસવીરો જાહેર કરી દીધી હતી. જાે કે, આ વખતે હજુ તેમ થયું નથી. મંગળવારે સૈફ અલી ખાન અને તૈમૂર જ્યારે કરીના તેમજ બાળકને ઘરે લઈને આવી રહ્યા હતા અને ત્યારે પણ મીડિયાકર્મીઓએ તેમની કારને ઘેરી લીધી હતી.
જેમાં, કરીનાના બીજા દીકરાનો ચહેરો તો ન જાેવા મળ્યો. પરંતુ તે નેનીના ખોળામાં સૂતેલા દેખાયો હતો. ઉલ્લેખનીય છે કે, રવિવારે સવારે ૮.૩૦ કલાકે મુંબઈની બ્રીચ કેન્ડી હોસ્પિટલમાં બેબોની ડિલિવરી થઈ હતી. તેના આગળના દિવસે એટલે કે શનિવારે સાંજે ૫.૩૦ કલાકે તેને હોસ્પિટલમાં એડમિટ કરવામાં આવી હતી. એક પ્રેસ સ્ટેટમેન્ટમાં સૈફે કહ્યું હતું કે, ‘અમારે ત્યાં દીકરાનો જન્મ થયો છે. મા અને બાળક બંને સ્વસ્થ અને સુરક્ષિત છે. પ્રેમ અને સપોર્ટ આપવા માટે શુભચિંતકોનો આભાર માનીએ છીએ.
