શામળપુર નજીક ૧૦ શખ્શોએ ગાંધીનગરના ખાનગી કંપનીના ડાયરેક્ટરની કારમાં તોડફોડ

અમદાવાદ-ઉદેપુર ને.હા.નં-૮ પર આવેલા શામળપુર ગામે શોભાયાત્રા નીકળી હતી શોભાયાત્રા નેશનલ હાઈવે પર આવી જતા કાર ચાલકે શોભાયાત્રાની બાજુ માંથી રહેલ જગ્યા માંથી કાર કાઢવાનો પ્રયત્ન કરતા શોભાયાત્રામાં રહેલા કેટલાક શખ્શોએ ગાડી કેમ ઉભો રાખતો નથી કહી કારમાં તોડફોડ કરી કાર ચાલકને ગડદાપાટુનો માર મારી બિભસ્ત ગાળો બોલતા ને.હા.નં-૮ પર હોબાળો થતા વાહનવ્યવહાર થંભી ગયો હતો શામળાજી પોલીસ ઘટનાસ્થળે પહોંચી મામલો થાળે પાડી કાર ચાલકની ફરિયાદના આધારે શામળપુર ગામના ૧૦ શખ્શો સામે ગુન્હો નોંધી કાયદેસરની કાર્યવાહી હાથધરી હતી.

ગાંધીનગર ઇન્ફોસીટીમાં ઈ-ટેક કંપનીના ડાયરેક્ટર અને કુડાસણ સ્વાગત રેઇન ફોરેસ્ટ માં રહેતા રાજેન્દ્રસિંહ અમરસિંહ ડાભી તેમના વતન કુશ્કી ગામે કામકાજ અર્થે વેન્ટો કારમાં આવવા નીકળ્યા હતા શામળાજી નજીક આવેલા શામળપુર ગામ નજીક પહોંચતા ને.હા.નં-૮ પર શામળપુર ગ્રામજનોએ જન્માષ્ટમી પર્વ નીમ્મીતે યોજેલી શોભાયાત્રા પહોંચી હતી.

કાર ચાલકે શોભાયાત્રાની બાજુમાં જગ્યા હોવાથી કાર નીકળવાનો પ્રયત્ન કરતા શોભાયાત્રામાં રહેલા કેટલાક શખ્શો લુખ્ખાગીરી પર ઉતરી આવી કાર કેમ ઉભી નથી રાખતો કહી બિભસ્ત ગાળો બોલતા ગાળો બોલવાની ના પાડતાં કારમાં તોડફોડ કરવાની સાથે ગડદાપાટુનો માર મારી જાનથી મારી નાખવાની ધમકી આપતા ને.હા.નં-૮ પર ઝગડાને પગલે ટ્રાફિકજામ થતા અને શામળાજી પોલીસને જાણ થતા ઘટનાસ્થળે પહોંચી કાર ચાલકને બચાવી મામલો થાળે પાડ્યો હતો