Western Times News

Gujarati News

મા બનતા પહેલા બીજીવાર લગ્ન કરશે રુબિના દિલૈક

મુંબઈ: કોવિડ-૧૯થી રિકવર થયા બાદ બિગ બોસ ૧૪ની વિનર રુબિના દિલૈક કામ પર પાછી ફરી છે. રુબિના હાલ સીરિયલ ‘શક્તિઃ એક અસ્તિત્વ કે અહેસાસ કી’માં કામ કરી રહી છે. તેણે પતિ અભિનવ શુક્લા સાથે બીજી વખત લગ્ન કરવા અંગે તેમજ માતૃત્વ ધારણ કરવા વિશે વાત કરી હતી. ઉલ્લેખનીય છે કે, અભિનવ અને રુબિનાનું લગ્નજીવન ખતમ થવાના આરે હતું. જાે કે, બંને બિગ બોસ ૧૪ના ઘરમાં એકબીજાને તક આપવા માટે ગયા હતા. બિગ બોસના ઘરમાં ગયા બાદ બંનેના સંબંધો સુધર્યા હતા અને બહાર નીકળ્યા બાદ ફરીથી ધામધૂમથી લગ્ન કરવાનું નક્કી કર્યું હતું.

અભિનવ શુક્લા સાથે બીજીવાર લગ્નના પ્લાનિંગ અંગે રુબિનાએ કહ્યું કે, હા, અમે ચોક્કસથી કરવાના છીએ. હકીકતમાં અમે જુલાઈના અંતમાં જ કરવાના હતા પરંતુ સ્થિતિના કારણે મને નથી લાગતું કે આમ શક્ય બનશે. આ સિવાય અમારા બંનેમાંથી કોઈએ રસી લીધી નથી, તેથી અમે દેશ બહાર જઈ શકીશું તેવું મને લાગતું નથી. મેં હંમેશાથી દરિયાકિનારે વ્હાઈટ થીમ પર લગ્નનું સ્વપ્ન જાેયું હતું. તે અમારા માટે ક્યારે શક્ય બને છે તે જાેઈએ.

ફેમિલી પ્લાનિંગ અંગે એક્ટ્રેસે જણાવ્યું કે, અમે હાલ પરિવાર શરૂ કરવા વિશે વિચારી રહ્યા નથી. અત્યારે અમે માત્ર અમારા વિશે વિચારી રહ્યા છીએય અમે હંમેશા દરેક તબક્કાને માણવામાં માનીએ છીએ. અમે પેરેન્ટહૂડ માણીશું તેવો પણ સમય આવશે. હાલ તો અમે એકબીજાને સારી રીતે સમજી રહ્યા છે. મને લાગે છે કે, માતા-પિતા બનવું તે મોટી જવાબદારી છે અને જ્યાં સુધી એકબીજાને સમજાે નહીં ત્યાં સુધી પરિવાર આગળ ન વધારવો જાેઈએ. બાળકને આ દુનિયામાં અને તમારા જીવનમાં લાવવું તે મોટી જવાબદારી છે અને આ દંપતીએ સમજવું જાેઈએ’.

એક્ટ્રેસે ઉમેર્યું કે, ‘સદ્ભાગ્ય રીતે, અમારો પરિવાર અમારા પર દબાણ કરી રહ્યો નથી. આ યોગ્ય ઉમર છે અને અમારે બાળક લાવી દેવું જાેઈએ તે અંગે અમે વિચારતા નથી.

હાલ અમારે એકબીજા સાથે વધારે સમય પસાર કરવાની જરૂર છે, એકબીજાને જાણવાની જરૂર છે. જીવનમાં જ્યારે તે તબક્કો આવશે ત્યારે તેની પણ ઉજાણી કરીશું’.


Read News In Hindi

Read News in English

Copyright © All rights reserved. | Developed by Aneri Developers.