Western Times News

Latest News from Gujarat India

ભારતે ઇશાન કિશનને પ્રથમ પસંદગીનાં વિકેટકીપર તરીકે સમર્થન આપવું જાેઈએ : સંજય

મુંબઇ: સંજય માંજરેકરે કહ્યું છે કે શ્રીલંકા સામે આગામી મર્યાદિત ઓવરોની સીરીઝમાં સંજુ સેમસન પહેલા ભારતે ઇશાન કિશનને પ્રથમ પસંદગીનાં વિકેટકીપર બેટ્‌સમેન તરીકે સમર્થન આપવું જાેઈએ. ટીમ ઇન્ડિયાએ શ્રીલંકા સામે ૧૩ જુલાઈથી શરૂ થનારી મર્યાદિત ઓવરની છ મેચ માટે ૨૦ ખેલાડીઓની મોટી ટીમની પસંદગી કરી છે. ભારત પાસે બે રોમાંચક વિકેટકિપર-બેટ્‌સમેન હોવાથી, ઈલેવનમાં કોને સ્થાન અપાશે તે જાેવાનું રસપ્રદ રહેશે.

સંજય માંજરેકરને લાગે છે કે, ઇશાન કિશનની બેટિંગની કન્સીસ્ટન્સીનાં કારણે તેને સમર્થન આપવું જાેઈએ. ભૂતપૂર્વ ભારતનાં આંતરરાષ્ટ્રીય ખેલાડીઓએ સંજુ સેમસનને ઘણા વર્ષોથી પરિવર્તનશીલ પ્રદર્શન માટે બહાર કરી દીધો હતો. “ઇશાન કિશન મારી પસંદગી છે, સંપૂર્ણ રીતે બેટિંગનાં આધારે. મર્યાદિત ઓવરનાં ક્રિકેટમાં વિકેટકીપિંગ કરવુ એટલું મહત્વનું નથી. જ્યારે તે જઈ રહ્યો છે ત્યારે તેનો કોઇ મુકાબલો નથી, પરંતુ આપણે જે શોધી રહ્યા છીએ તે કન્સીસ્ટન્સી છે, અને કિશન પોતાને આગળ વધારવામાં માને છે.” ઘરઆંગણે ઇંગ્લેન્ડ સામેની ભારતની છેલ્લી મર્યાદિત ઓવરોની સીરીઝ માટે સંજુ સેમસનને નજર અંદાજ કરાયો હતો, જ્યારે ઇશાન કિશન તેની પ્રથમ ટી-૨૦ ઇનિંગમાં સમાન વિરોધીઓ સામે ૩૨ બોલમાં ૫૬ રન બનાવીને સૌ કોઇને પ્રભાવિત કરવામાં સફળ રહ્યો હતો.

સંજુ સેમસન અને ઇશાન કિશન બંનેની પાસે ઉચ્ચ વર્ગની બેટિંગની ક્ષમતા હોવાથી ટીમ ઈન્ડિયા પણ શ્રીલંકા સામે બંનેને સાથે રમાડવાનું પસંદ કરી શકે છે. સંજય માંજરેકરનાં મતની વિરુધ્ધ, વીવીએસ લક્ષ્મણે શ્રીલંકા સીરીઝ માટે ભારતનાં પ્રથમ પસંદગીનાં વિકેટકિપર-બેટ્‌સમેન તરીકે સંજુ સેમસનને પસંદ કર્યો છે. સીરીઝની શરૂઆત ૧૩ જુલાઇએ એક વનડેથી થશે અને લક્ષ્મણે કહ્યું કે, સંજુ સેમસને તેની ૫૦ ઓવરની શરૂઆત કરવી જાેઈએ. ભારતનાં ભૂતપૂર્વ બેટ્‌સમેન પણ કુલદીપ યાદવ અને યુઝવેન્દ્ર ચહલની જાેડીને સાથે જાેવા માંગે છે. છેલ્લી કેટલીક સીરીઝમાં આંતરરાષ્ટ્રીય ક્રિકેટમાં કાંડા-સ્પિન જાેડીએ કેટલાક મુશ્કેલ સમયનો સામનો કરવો પડ્યો હતો.

Copyright © All rights reserved. | Developed by Aneri Developers