Western Times News

Gujarati News

હવામાં બે વિમાનો એક બીજાથી ટકરાતાં રહી ગયા

મુંબઈ, ૨૯ જાન્યુઆરીના રોજ એર એશિયાની અમદાવાદ-ચેન્નાઈ અને ઈન્ડિગોની બેંગલુરુ-વડોદરા ફ્લાઈટ મુંબઈના આકાશમાં જાેખમી રીતે એકબીજાની સામે આવી ગઈ હતી. ૨૯ જાન્યુઆરીના રોજ બનેલી આ ઘટનાની ઉચ્ચ સ્તરે તપાસ શરુ કરવામાં આવી હતી. જેના રિપોર્ટમાં દર્શાવાયું છે કે, બંને એરક્રાફ્ટ એકબીજાથી માત્ર ૮ કિમી દૂર હતાં, અને એકબીજાથી ૩૦૦ ફુટ ઉપર નીચે હતાં. કોરોનાકાળમાં મુંબઈ એર ટ્રાફિક કંટ્રોલમાં સ્ટાફ ઓછો હોવાથી આ ઘટના બની હતી કે કેમ તે મુદ્દાને પણ તપાસમાં આવરી લેવામાં આવ્યો હતો. આ ઘટના વાપીથી ૩૦ કિમી દૂર પૂર્વમાં બની હતી.

સામાન્ય રીતે અમદાવાદથી ચેન્નૈની ફ્લાઈટ ભાવનગર પરથી પસાર થતી હોય છે, પરંતુ તે દિવસે એરએશિયાની ફ્લાઈટે મુંબઈ લેન્ડ થનારી ફ્લાઈટનો રુટ લીધો હતો તેવું એરક્રાફ્ટ એક્સિડેન્ટ ઈન્વેસ્ટિગેશન બ્યૂરોના તાજેતરમાં જાહેર કરાયેલા રિપોર્ટમાં જણાવાયું છે. બીજી તરફ, બેંગલુરુથી વડોદરા આવી રહેલી ફ્લાઈટને ભરુચ નજીકના અંકલેશ્વર તરફ સીધા જવાની પરમિશન આપી દેવાઈ હતી. આમ, બંને ફ્લાઈટના રુટમાં ફેરફાર થતાં તે એકબીજાની સામે આવી ગઈ હતી.

મુંબઈ એટીસીની ઓટોમેટેડ સિસ્ટમે આ અંગે વોર્નિંગ પણ ઈશ્યૂ કરી હતી, જેને રડાર કંટ્રોલર રિસ્પોન્ડ નહોતા કરી શક્યા. કંટ્રોલરને બંને પ્લેન વચ્ચે ટક્કર થવાની શક્યતા છે તે વાતની ખબર પડી તે વખતે એરએશિયાનું એરક્રાફ્ટ ૩૮,૦૦૮ ફુટ જ્યારે ઈન્ડિગોનું એરક્રાફ્ટ ૩૮,૦૦૦ ફુટની ઉંચાઈ પર હતું. એરએશિયાની કોકપિટમાં રહેલી ઓટોમેટેડ ટ્રાફિક કોલિશન અવોઈડન્સ સિસ્ટમ દ્વારા તે વખતે પાઈલટને એરક્રાફ્ટ વધુ ઉંચાઈ પર લઈ જવા માટેની સૂચના જારી કરાઈ હતી.

ત્યારબાદ એરએશિયાનું એરક્રાફ્ટ ૩૮,૩૯૬ ફુટની ઉંચાઈ પર પહોંચી ગયું હતું જ્યારે ઈન્ડિયોની ફ્લાઈટ ૩૮,૦૦૦ ફુટની ઉંચાઈ પર ઉડી રહી હતી. રિપોર્ટમાં જણાવાયું છે કે એરએશિયાની ફ્લાઈટે વધુ ઉંચાઈ પર જવાનું શરુ કર્યું ત્યારે બંને પ્લેન એકબીજાથી માત્ર ૮ કિલોમીટર જ દૂર હતા. તે વખતે એરએશિયાનું પ્લેન ઈન્ડિગોના એરક્રાફ્ટથી ૩૦૦ ફૂટ નીચે હતું, જ્યારે એરએશિયાનું એરક્રાફ્ટ ઈન્ડિગોના એરક્રાફ્ટથી ૫૦૦ ફુટ ઉપર પહોંચ્યું ત્યારે તેમની વચ્ચે ૬.૫ કિમીનું અંતર હતું અને ત્યારબાદ બંને એકબીજાને ક્રોસ થયા હતા.SSS


Read News In Hindi

Read News in English

Copyright © All rights reserved. | Developed by Aneri Developers.