Western Times News

Latest News from Gujarat India

પતિની વિકૃતીથી ત્રાસેલી પત્ની અભયમની શરણે

અમદાવાદ, આમ તો દરેક મા-બાપ પોતાની દીકરી માટે ભણેલો-ગણેલો અને સેટલ થયેલો યુવક શોધતા હોય છે. જાેકે, ક્યારેક ભણેલા લોકો અભણને પણ સારા કહેવડાવે તેવી વિકૃત હરકતો કરતા હોય છે. આવી જ એક ઘટનામાં ખેડાના માતર તાલુકાના એક ગામમાં રહેતી યુવતીએ સારી કંપનીમાં નોકરી કરતા પતિની ગંદી હરકતોથી ત્રાસીને આખરે અભયમ હેલ્પલાઈનને ફોન કરવો પડ્યો હતો.

નવાઈની વાત એ છે કે, યુવતીએ સાસુને પતિની ગંદી આદત અંગે વાત કરી તો સાસુએ પણ તેનું જ ઉપરાણું લીધું હતું. આ સમગ્ર ઘટનાની વિગત એવી છે કે, માતરના એક ગામમાં રહેતા અને અમદાવાદમાં પ્રાઈવેટ જાેબ કરતા એન્જિનિયર યુવકે છ વર્ષ પહેલા એક યુવતી સાથે લગ્ન કર્યા હતા. આ યુવતી તેનાથી ઉંમરમાં નાની અને ગરીબ ઘરની હતી.

જાેકે, લગ્નના થોડા સમયમાં જ પતિએ પોતાની વિકૃતિ બતાવવાનું ચાલુ કર્યું હતું. યુવતીના જણાવ્યા અનુસાર, તે જ્યારે પણ ઘર વપરાશ માટે રુપિયા માગે ત્યારે પતિ તેને રુપિયા આપતા પહેલા પોતાની ઈચ્છા અનુસાર ફિઝિકલ થવા માટે મજબૂર કરતો હતો.

યુવતીએ અભયમ હેલ્પલાઈન ૧૮૧ પર ફોન કરીને જણાવ્યું હતું કે, જ્યારે પણ તે રુપિયા માગતી ત્યારે પતિ પહેલા એ જ શરત મૂકતો કે હું કહું એ રીતે ફિઝિકલ થવા દઈશ તો જ રુપિયા મળશે. ચોંકાવનારી વાત એ છે કે, પતિ વિકૃત રીતે શારીરિક સંબંધ બાંધી પત્નીને ઈજાઓ પહોંચાડતો તેમજ તેને ત્રાસ આપતો.

જાેકે, યુવતી પાસે ચૂપચાપ પતિનો ત્રાસ સહન કર્યા સિવાય બીજાે કોઈ વિકલ્પ નહોતો. તેણે આ અંગે પતિને ઘણીવાર સમજાવવાનો પ્રયાસ કરવા છતાંય તે સુધરવા માટે તૈયાર નહોતો. બીજી તરફ, છ વર્ષના લગ્નજીવનમાં તેમને એક દીકરી પણ થઈ હતી. જાેકે, પતિ દીકરીનું શું કરું? મારે તો છોકરો જાેઈએ, ભલે તેના માટે તારે ગમે તે કરવું પડે તેમ કહીને તેની મારઝૂડ પણ કરતો હતો.

યુવતીએ આ અંગે પોતાની સાસુને વાત કરતાં તેમણે પણ દીકરાનો પક્ષ લેતા એવો જવાબ આપ્યો હતો કે તું તો આમેય તારા બાપના ઘરેથી કંઈ નથી લાવી, એટલે આ બધું તો સહન કરવું પડશે. આમ, સાસરિયામાં પોતાના પર થતાં જુલ્મો સામે કોઈ બચાવનાર ના હોવાથી આખરે યુવતીએ અભયમ હેલ્પલાઈનને ફોન કર્યો હતો. અભયમની ટીમે યુવતીના ઘરે પહોંચીને તેના પતિ અને સાસરિયાને કાયદાનું ભાન કરાવીને પાઠ ભણાવ્યો હતો.SSS

Copyright © All rights reserved. | Developed by Aneri Developers