Western Times News

Gujarati News

ભારતની સૌથી મોંઘી ભીમ ભેંસ: ૧ કિલો ઘી, ૨૫ લિટર દૂધ અને કિલો કાજૂ ખાય છે

વર્ષ ૨૦૧૯ના પુષ્કર મેળામાં ભેંસનું વજન ૧૩૦૦ કિલોગ્રામ હતું, અત્યારે ભેંસનું વજન ૧૫૦૦ કિલોગ્રામ છે

જાેધપુર,  જાેધપુરમાં દર વર્ષે પાલતુ પ્રાણીઓના પ્રદર્શન માટે મેળાનું આયોજન કરવામાં આવે છે. જાેધપુરના હજારો લોકો આ મેળામાં ભાગ લે છે. આ મેળામાં ભીમ નામની ૧,૫૦૦ કિલો વજન ધરાવતી ભેંસની કિંમત રૂ. ૨૪ કરોડ છે. ભીમ નામની ભેંસના માલિકનું નામ અરવિંદ જાંગીડ છે. Buffalo-Bhim of Murra breed form Jodhpur at Pushkar Fair  had a bidding price of 24 cr weight 1500kg

તેમણે જણાવ્યું કે, એક અફઘાન શેખે આ ભેંસ માટે રૂ. ૨૪ કરોડની ઓફર આપી હતી. ત્યારબાદ ભેંસના માલિક અરવિંદ જાંગીડે તેમને જણાવ્યું કે, તેઓ આ મેળામાં ભેંસની હરાજી કરવા માટે નથી લાવ્યા. ભેંસની નસલનાં સંરક્ષણ વિશે લોકોમાં જાગૃતતા લાવવા માટે તેઓ ભેંસને મેળામાં લાવ્યા છે. ભીમ ભેંસ ૧૪ ફૂટ લાંબી અને ૬ ફૂટ ઊંચી છે.

આ ભેંસની જાળવણી માટે માસિક રૂ. ૨ લાખનો ખર્ચ કરવામાં આવે છે. આ ભેંસ દરરોજ એક કિલો ઘી અને ૨૫ લિટર દૂધનો વપરાશ કરે છે. ભેંસને દરરોજ એક કિલોગ્રામ કાજૂ-બદામ પણ આપવામાં આવે છે. વર્ષ ૨૦૧૯ ના પુષ્કર મેળામાં ભેંસનું વજન ૧,૩૦૦ કિલોગ્રામ હતું, અત્યારે ભેંસનું વજન ૧,૫૦૦ કિલોગ્રામ છે.

માત્ર બે વર્ષમાં આ ભેંસની કિંમતમાં રૂ. ૩ કરોડનો વધારો થયો છે. પહેલા આ ભેંસની કિંમત રૂ. ૨૧ કરોડ હતી, આ વર્ષે ભેંસની કિંમત રૂ. ૨૪ કરોડ થઈ ગઈ છે. ભેંસના માલિક આ ભેંસને વેચવા માટે તૈયાર નથી. અન્ય ભેંસ જેમ કે, યુવરાજ ભેંસ કે જેની કિંમત રૂ. ૯ કરોડ અને સુલતાન ભેંસ કે જેની કિંમત રૂ. ૨૧ કરોડ કરતા પણ ભીમ ભેંસની કિંમત ખૂબ જ વધારે છે.

ભીમ ભેંસ સૌથી મોંઘી ભેસ છે. ભીમના માલિક ભેસને વર્ષ ૨૦૧૮ અને ૨૦૧૯માં પુષ્કર મેળામાં લઈ ગયા હતા અને ત્યાં આ ભેંસે અનેક પુરસ્કાર જીત્યા છે. ભીમ ભેંસના માલિક ભેંસને બાલોતરા, નાગોર, દહેરાદૂન જેવા અનેક મેળામાં લઈ ગયા હતા, ત્યાં પણ આ ભેંસે અનેક પુરસ્કાર જીત્યા છે.

અરવિંદ જાંગીડ ભીમ ભેંસના શુક્રાણુ અન્ય પશુપાલકોને વેચે છે અને તેની ખૂબ જ માંગ જાેવા મળી રહી છે. આ શુક્રાણુથી જન્મ લેતા વાછરડાનું વજન ૪૦થી ૫૦ કિલોગ્રામ હોય છે અને તે જ્યારે પુખ્ત થાય ત્યારે તે દિવસનું ૨૦થી ૩૦ લિટર દૂધ આપે છે.


Read News In Hindi

Read News in English

Copyright © All rights reserved. | Developed by Aneri Developers.