Western Times News

Latest News from Gujarat

મોટા રાજ્યોમાં ઓમિક્રોનના કેસ નોંધાયા છે: આઇએમએ

નવીદિલ્હી, ઇન્ડિયન મેડિકલ એસોસિએશને કોરોના વાયરસના ઓમિક્રોનના નવા સ્વરૂપની વધતી ચિંતા વચ્ચે કેન્દ્ર સરકારના આરોગ્ય કર્મચારીઓ, એડવાન્સ ફ્રન્ટ કર્મચારીઓ અને નબળી રોગપ્રતિકારક શક્તિ ધરાવતા વ્યક્તિઓ માટે કોવિડ વિરોધી રસી બુસ્ટર ડોઝ જાહેર કરવા અનુરોધ કરવામાં આવ્યો છે.

આઇએમએએ એવી પણ માંગ કરી છે કે, સરકાર ૧૨-૧૮ વર્ષની વય જૂથમાં રસીકરણની દરખાસ્ત પર ઝડપથી વિચાર કરે. દેશમાં ઓમિક્રોનના ૨૩ કેસ નોંધાયા છે.

ઇન્ડિયન મેડિકલ એસોસિએશનનું કહેવું છે કે ભારતના મુખ્ય રાજ્યો વાયરસના નવા ફોર્મેટના એવા કિસ્સાઓ પ્રકાશમાં આવ્યા છે જે બે આંકડામાં છે અને સંખ્યામાં વધારો થવાની અપેક્ષા છે. આઇએમએએ દાવો કર્યો છે કે ઉપલબ્ધ વૈજ્ઞાનિક પુરાવા અને તેના મૂળ દેશો સાથે સંકળાયેલા અનુભવ દર્શાવે છે કે ઓમિક્રોન ઝડપથી ફેલાય છે અને વઘુમાં વઘુ લોકોને ઘેરી શકે છે.

આઇએમએએ કહ્યું કે, “એવા સમયે જ્યારે ભારત સામાન્ય સ્થિતિ તરફ આગળ વધી રહ્યું છે, ત્યારે આ એક મોટો ફટકો સાબિત થઈ શકે છે. જાે આપણે પૂરતા પગલાં નહીં લઈએ તો આપણને મહામારીની ત્રીજી લહેરનો સામનો કરવો પડી શકે છે.” આઇએમએએ સરકારને વિનંતી કરી છે કે તેઓ આરોગ્ય કર્મચારીઓ, એડવાન્સ ફ્રન્ટના કર્મચારીઓ અને નબળી રોગપ્રતિકારક શક્તિ ધરાવતા વ્યક્તિઓ માટે કોવિડ વિરોધી રસીનો બુસ્ટર ડોઝ જાહેર કરે.

બુસ્ટર ડોઝ અંગે સોમવારે નેશનલ ટેકનિકલ એડવાઇઝરી ગ્રુપ (એનટીએજીઆઇ)ની બેઠકમાં કોઈ ર્નિણય લેવામાં આવ્યો નથી. એનટીએજીઆઈએ ઓમિક્રોન સાથે સંબંધિત ડેટાનું મૂલ્યાંકન કર્યું છે, જે સૂચવે છે કે દેશમાં કોરોના મહામારીનું જાેખમ વધારે છે.

જાેકે, કેટલાક નિષ્ણાતો માને છે કે આરોગ્ય કર્મચારીઓને પહેલા બુસ્ટર ડોઝ આપવો જાેઈએ. નિષ્ણાતોનું કહેવું છે કે ફ્રન્ટ લાઇન કામદારોની સાથે વૃદ્ધોને પણ બુસ્ટર ડોઝ આપવો જાેઈએ જેમણે સૌ પ્રથમ રસી મૂકાવી હતી. આ બધા લોકો માટે રસી લીઘાનો લાંબો સમય થઈ ગયો છે અને તેમને સંક્રમણ લાગે તેવી સંભાવના વધુ છે. એક અધિકારીએ જણાવ્યું હતું કે, “એનટીએજીઆઈ આ મુદ્દે ડબ્લ્યુએચઓની માર્ગદર્શિકાની રાહ જાેઈ રહ્યું છે, ત્યારે જ બુસ્ટર ડોઝ અંગે ર્નિણય લેવામાં આવશે.”HS

Copyright © All rights reserved. | Developed by Aneri Developers