કોમેડિયન મુનવ્વર ફારૂકીને ગુરુગ્રામ કોમેડી ફેસ્ટિવલમાંથી હટાવાયા
ગુરુગ્રામ, લોકોની ધાર્મિક ભાવનાઓને ઠેસ પહોંચાડવાના આરોપોનો સામનો કરી રહેલા સ્ટેન્ડ અપ કોમેડિયન મુનવ્વર ફારૂકીની મુશ્કેલી ઓછી થવાનું નામ નથી લઈ રહી. બેંગલુરુ બાદ હવે તેને ગુરુગ્રામ કોમેડી ફેસ્ટિવલમાંથી બહાર કરી દેવામાં આવ્યો છે.
આયોજકોએ સુરક્ષાને ટાંકીને શોમાંથી બહાર કર્યો છે, તેમનું કહેવું છે કે કેટલાક લોકો મુનવ્વર ફારૂકીની વિરુદ્ધ છે તે ફોન કરીને ધમકી આપી રહ્યા છે, તેથી અમે કાર્યક્રમમાં કોઈ પણ પ્રકારનો હંગામો નથી ઈચ્છતા, અમારા માટે તમામ કલાકારોની સુરક્ષા સર્વોપરી છે. તેથી જ અમે શોમાંથી મુનવ્વર ફારૂકીનું નામ હટાવી દીધું છે. તે જાણીતું છે કે આ ત્રણ દિવસીય ઇવેન્ટનું આયોજન ધ એન્ટરટેઈનમેન્ટ ફેક્ટરી દ્વારા કરવામાં આવી રહ્યું છે.
હરિયાણા બીજેપી આઈટી વિભાગના વડા અરુણ યાદવે ગુરુગ્રામ પોલીસને કરેલી ફરિયાદમાં જણાવ્યું હતું કે ફારૂકીએ હિંદુ દેવી-દેવતાઓનું અપમાન કર્યું છે અને હું તમને આ મામલાની તપાસ કરવા અને સમાજના વિવિધ વર્ગો વચ્ચે શાંતિ જાળવવા માટે રોકવા કહું છું. હાસ્ય કલાકારો સતત ખુલ્લા પ્લેટફોર્મથી સતત લોકોની ભાવનાઓને ઠેસ પહોંચાડી રહ્યા છે.
તેઓ જાણીજાેઈને સાંપ્રદાયિક લાગણી ઉશ્કેરવાનું કામ કરી રહ્યા છે, તેથી તેમને કાર્યક્રમ રજૂ કરવાની મંજૂરી આપવી જાેઈએ નહીં. ગુરુગ્રામમાં ૧૭-૧૯ ડિસેમ્બરના રોજ કાર્યક્રમ યોજાવા જઈ રહ્યો છે.
આ પહેલા બેંગ્લોરમાં પણ તેનો કાર્યક્રમ અટકાવી દેવામાં આવ્યો હતો. બેંગલુરુ પોલીસે કાયદો અને વ્યવસ્થાને ટાંકીને આયોજકોને શો રદ કરવા કહ્યું હતું.
જે બાદ ફારૂકીએ કહ્યું હતું કે ‘નફરત જીતી, કલાકાર હારી ગયો. મેરા કામ હો ગયા, અલવિદા અન્યાય’. તમને જણાવી દઈએ કે આ વર્ષની શરૂઆતમાં ફારૂકીને કોમેડી શો દરમિયાન હિંદુ દેવી-દેવતાઓના કથિત અપમાન માટે એક મહિનાની જેલ પણ ભોગવવી પડી હતી.HS
