Western Times News

Latest News from Gujarat

મકાનમાં આગ લાગતા ૫ લાખ રોકડ બળીને ખાખ

દાહોદ, દાહોદ જિલ્લાના લીમખેડા તાલુકાના જેતપુરના સુથાર ફળિયામાં ૩ સગા ભાઈઓના મકાનમાં આકસ્મિક આગ લાગતા ઘરવખરી, રોકડ- દાગીના બધુ બળીને ખાખ થઈ ગયું. પ્રાપ્ત માહિતી અનુસાર ગોપસિહ બારિયા, દિલીપ બારિયા અને નરવત બારિયાના એક જ લાઈનમાં મકાન આવેલા છે. શનિવારે તેમના ઘરની પાછળના ભાગેથી અચાનક આગ ફાટી નીકળી હતી. જાેતજાેતામાં ત્રણેય મકાનો આગની ઝપેટમાં આવી ગયા હતા.

બનાવની જાણ થતાં ગ્રામજનો પણ દોડી આવ્યા હતા અને આગ પર કાબૂ મેળવવાનો પ્રયાસ હાથ ધર્યા હતા. જાે કે, આગ બેકાબૂ હોવાથી ફાયર વિભાગની પણ મદદ લેવામાં આવી હતી. પરંતુ આગ ઓળવાય તે પહેલા બધા મકાન તથા તેમાં રહેલી ઘરવખરી, અનાજ, બળીને ખાખ થયું હતું. એટલું જ નહીં, ભીષણ આગમાં દીકરીના લગ્ન માટે સગવડ કરીને મૂકી રાખેલા ૫ લાખ રોકડ તેમજ સોના-દાગીનાના ઘરેણા પણ બળી ગયા. સૌથી સારી બાબત એ છે કે, ગરમી હોવાથી પરિવારના સભ્યો ઘરની બહાર સૂઈ રહ્યા હતા. જેથી કોઈ જાનહાનિ થઈ ન હતી.

મીડિયા રિપોર્ટ અનુસાર આકસ્મિક રીતે મકાનમાં આગ લાગતાં ગણતરીની ક્ષણોમાં આખું મકાન બળીને ખાક થઇ ગયું હતું. આકસ્મિક મકાનમાં આગ લાગતા બુમાબુમ થતાં આજુબાજુના લોકોએ દોડી આવી આગ હોલવવાનો પ્રયત્ન કર્યો હતો. પણ થોડીક જ ક્ષણોમાં આગે વિકરાળ સ્વરૂપ ધારણ કરતાં મકાન બળીને ખાખ થઈ ગયા હતા. આગ એટલી ભયાનક હતી કે, દાગીના, રોકડ રકમ, અનાજ તેમજ ઘરવખરી સામાન સંપૂર્ણ બળી ગયું હતું.SSS

Copyright © All rights reserved. | Developed by Aneri Developers
wpChatIcon