જહાંગીરપુરી હિંસા મામલે મુખ્ય ષડયંત્રકાર સહિત ૨૧ની ધરપકડ
નવી દિલ્હી, દિલ્હીમાં હનુમાન જયંતીના અવસરે થયેલી હિંસા મામલે રોહિણી કોર્ટે મુખ્ય આરોપી અંસાર અને અસલમને સોમવાર સુધી કસ્ટડીમાં મોકલ્યા છે. આ ઉપરાંત અન્ય આરોપીઓને જ્યુડિશિયલ કસ્ટડીમાં મોકલ્યા છે.
અત્રે જણાવવાનું કે હિંસા બાદથી જ પોલીસ એકદમ એક્શન મોડમાં છે. આ મામલે પોલીસે તપાસ પણ તેજ કરી છે. દિલ્હી પોલીસ સીસીટીવી ફૂટેજ તપાસી રહી છે અને તે આધાર પર અન્ય આરોપીઓની ઓળખ થઈ રહી છે. આ સાથે જ દિલ્હી પોલીસ હિંસાવાળી જગ્યાએથી પુરાવા ભેગા કરી રહી છે.
કોર્ટમાં સુનાવણી દરમિયાન દિલ્હી પોલીસે કહ્યું કે ૧૫ તારીખે જ અંસાર અને અસલમને ખબર પડી ગઈ હતી કે એક શોભાયાત્રા નિકળવાની છે. ત્યારબાદ આ લોકોએ ષડયંત્ર રચ્યું હતું.
જહાંગીરપુરી હિંસા મામલે દિલ્હી પોલીસે તેજ કાર્યવાહી કરતા અત્યાર સુધીમાં કુલ ૨૧ આરોપીઓને પકડ્યા છે. જ્યારે ૨ સગીરો પણ પકડાયા છે. પોલીસે અત્યાર સુધીમાં આરોપીઓ પાસેથી ૩ પિસ્તોલ અને ૫ તલવારો જપ્ત કરી છે.
જહાંગીરપુરી હિંસાનો કેસ ક્રાઈમ બ્રાન્ચને ટ્રાન્સફર કરાયો છે. ક્રાઈમ બ્રાન્ચના સ્પેશિયલ કમિશનર રવિન્દર યાદવ ઘટનાસ્થળે પહોંચ્યા હતા. આ કેસમાં ડિસ્ટ્રિક્ટ પોલીસ ક્રાઈમ બ્રાન્ચને તપાસમાં સહયોગ કરશે.SSS
