Western Times News

Gujarati News

હીરા સોલંકીએ જુગારીઓને છોડાવવા પોલીસને ધમકી આપી

અમરેલી, ગુજરાતના અમરેલી જિલ્લાના ભાજપના નેતા અને પૂર્વ ધારાસભ્ય હિરા સોલંકીનો વીડિયો હાલ ખુબ જ વાયરલ થઇ રહ્યો છે. જેમાં તેઓ સ્થાનિક પોલીસ સાથે ઘર્ષણ કરી રહ્યા હોવાનું સ્પષ્ટ રીતે જાેઇ શકાય છે.
પોલીસને તમારા પટ્ટા ઉતારી નાખીશ કહેતા જાેવા મળે છે. ડુંગર પોલીસ સ્ટેશનના સ્ટાફ સાથે ઉગ્ર અને તોછડુ વર્તન કરી રહ્યા હોવાનું સ્પષ્ટ જાેઇ શકાય છે.

અત્રે ઉલ્લેખનીય છે કે, આ ઉગ્ર તડાતડી તેઓ કોઇ સદકાર્ય માટે નહી પરંતુ જુગારીઓને છોડાવવા માટે ગયા ત્યારે થઇ હતી.રાજુલા તાલુકાના ડુંગર પોલીસ સ્ટેશનના સ્ટાફ સાથે ઉગ્ર તડાતડી કરતો હીરા સોલંકીનો વીડિયો ખુબ જ વાયરલ થઇ રહ્યો છે. હીરા સોલંકી પોલીસ સ્ટેશન પહોંચી ગયા હતા હાજર ASI સાથે બોલાચાલી કરી હતી. હીરા સોલંકીએ તમારા બધાના પટ્ટા ઉતરાવડાવી નાખીશ તેવી પોલીસ જવાનોને ધમકી આપી હતી.

તેઓ અહીં જુગારીઓને છોડાવવા માટે ગયા હતા. જ્યાં તેઓ પોલીસ સાથે ઘર્ષણ કરતા જાેવા મળ્યા હતા. પોલીસે કહ્યું કે , lcb એ દરોડો પાડીને આ જુગારીઓને પકડ્યા હોવાની સ્પષ્ટતા કરી હતી. તેમ છતા પણ હીરા સોલંકીએ જામીન મુદ્દે રકઝક કરી હતી. જુગારીઓને પોલીસને એક પણ રૂપિયો નહી આપવાનું કહ્યું હતું. અત્રે નોંધનીય છે કે, તેઓ જેસર તરફથી પરત ફરી રહ્યા હતા.

ત્યારે રસ્તા વચ્ચે લોકોએ આવીને રજુઆત કર્યા બાદ તેઓ પોલીસ સ્ટેશન પહોંચ્યા હોવાનો દાવો કરવામાં આવ્યો હતો. જુગારીઓ પણ પોલીસ મથકમાં હાજર હતા અને તેની જામીનની કામગીરી ચાલી રહી હતી. આરોપીઓ પાસે જામીન માટે પૈસા માંગવામાં આવ્યા હોવાનો આક્ષેપ બાદ મામલો ઉગ્ર બન્યો હતો. જાે કે આખરે મામલો થાળે પડ્યો હતો.SS3KP


Read News In Hindi

Read News in English

Copyright © All rights reserved. | Developed by Aneri Developers.