બદમાશોએ બે બહેનો પર હુમલો કરતા એકનું મોત
ફતેહાબાદ, ફતેહાબાદની ભાટિયા કોલોનીમાં એક યુવકે ઘરમાં ઘૂસીને બે બહેનો પર ધારદાર હથિયાર વડે હુમલો કર્યાનો સનસનાટીભર્યો મામલો સામે આવ્યો છે. હુમલામાં નાની બહેનનું મોત થયું છે, જ્યારે મોટી બહેનને ગંભીર હાલતમાં હિસાર રિફર કરવામાં આવી છે.
જણાવવામાં આવી રહ્યું છે કે આ હુમલા બાદ આરોપીએ કાર પર આવી રહેલી છોકરીઓની માતાને પણ છરી બતાવી હતી અને આ દરમિયાન તેની બાઇક ડિવાઈડર સાથે અથડાઈ હતી, જેના કારણે આરોપી ઇજાગ્રસ્ત થયો હતો. પોલીસે તેને પકડીને હોસ્પિટલમાં દાખલ કર્યો, તેના બે સાથીઓ ફરાર હોવાનું કહેવાય છે.
મળતી માહિતી મુજબ ચંદીગઢમાં અભ્યાસ કરતી બે બહેનો પ્રિયા અને યોગિતા તેમના ઘરે આવી હતી અને આજે ઘરે જ હાજર હતી. તેના પિતા અને ભાઈ દિલ્હીમાં કામ કરે છે, તેઓ ઘરે ન હતા અને માતા પણ ઘરે ન હતા. બપોરે ૩ વાગ્યાની આસપાસ દોલતપુરનો સંદીપ નામનો શખ્સ ઘરમાં ઘુસી ગયો હતો અને તેમના પર તિક્ષ્ણ હથિયાર વડે હુમલો કર્યો હતો.
આ અંગે પોલીસને જાણ કરવામાં આવતા પોલીસ તાત્કાલિક ઘટના સ્થળે પહોંચી હતી. આ સાથે જ એવું કહેવામાં આવ્યું છે કે યુવતીઓની માતા કાર પર ઘરે આવી રહી હતી, તે દરમ્યાન ઘટના પછી આરોપીએ તેના બે સાથીઓ સાથે હનુમાન મંદિર પાસે તેને છરી બતાવી, જેના કારણે ડિવાઈડર સાથે બાઇક અથડાયા બાદ હુમલાખોર ઇજાગ્રસ્ત થયો હતો અને પકડાયો હતો.
આ દરમ્યાન છોકરીઓને હોસ્પિટલમાં લાવવામાં આવી હતી, જ્યાં નાની બહેન યોગિતાનું મૃત્યુ થયું હતું, જ્યારે અન્યને રિફર કરવામાં આવી હતી. જણાવવામાં આવી રહ્યું છે કે ગયા મહિને પણ તેમના પર હુમલો કરવામાં આવ્યો હતો. યુવતીની માતાનો આરોપ છે કે પોલીસે આ મામલામાં કોઈ કડક કાર્યવાહી કરી ન હતી, ત્યારબાદ જેલમાંથી બહાર આવતા જ યુવકની હિંમત વધી અને તેણે ફરી હુમલો કર્યો.
આ મામલામાં એક સીસીટીવી પણ સામે આવ્યા છે જેમાં યુવકો ઘરમાં પ્રવેશતા નજરે પડી રહ્યાં છે યુવક ઘરની દિવાલ ચડીને ઘરમાં પ્રવેશ્યો હતો. હાલ તો આ સમગ્ર મામલે પોલીસે બંને યુવકોની ધરપકડ કરી છે અને આગળની કાર્યવાહી હાથ ધરવામાં આવી છે.SS1MS
