આહવા સિવીલ હોસ્પિટલ ખાતે ‛ખિલખિલાટ’ વાન લોકાર્પણ.
આહવાઃ ડાંગ જિલ્લાના મુખ્ય મથક આહવા (જનરલ સિવીલ હોસ્પિટલ) ખાતે આજરોજ ‛ખિલખિલાટ’ વાનનું લોકાર્પણ ડાંગ કલેકટર શ્રી એન.કે.ડામોરના વરદ્ હસ્તે કરવામાં આવ્યું હતું. આ પ્રસંગે સિવીલ હોસ્પિટલના આર.એમ.ઓ.ર્ડા.શર્મા,અધિક જિલ્લા આરોગ્ય અધિકારી શ્રી ર્ડા.સંજય શાહ સહિત ૧૦૮ કર્મચારીઓ તેમજ આરોગ્ય કર્મચારીઓ ઉપસ્થિત રહ્યા હતા.
ડાંગ જિલ્લાના લોકોને આરોગ્યની વધુ સારી સુવિધા મળી રહે તે માટે હંમેશા કટીબધ્ધતા દર્શાવતા કલેકટરશ્રી એન.કે.ડામોરે જણાવ્યું હતું કે અંતરિયાળ વિસ્તારમાં ‛ખિલખિલાટ’ વાન ને કારણે સગર્ભા બહેનોને ઝડપથી સુવિધા મળી રહેશે. ગામડાઓમાં નાના રસ્તે પણ આ વાહન સમયસર પહોંચી જશે. સરકારશ્રીની સેવાઓનો લાભ છેવાડાના માનવી સુધી પહોંચે અને લોકોનું આરોગ્ય જળવાય એવો સરકારશ્રીનો અભિગમ છે.
ઈમરન્સી મેનેજમેન્ટ એક્ઝેકયુટીવ મનોજકુમાર શ્રીવાસ્તવે જણાવ્યું હતું કે પહેલા આહવા અને સુબીર ખાતે એમ બે વાન હતી. જ્યારે હાલમાં વધઈ-સાપુતારા,શામગહાન વિસ્તારના ના ગામો કવર કરાશે. સગર્ભા બહેનોને ધરેથી લેવા અને ત્યારબાદ બાળક સાથે પોતાના ધર સુધી ં ‛ખિલખિલાટ’ વાન પહોંચાડશે. અત્યાર સુધી કુલ-૭૦૦૦ કેસોમાં ‛ખિલખિલાટ’ વાનની સેવા અપાઇ છે. આહવામાં મહિને સરેરાશ ૩૫૦ કેસોના કોલ મળે છે. જ્યારે સુબીર ખાતે અત્યાર સુધીમાં ૧૩૦૦ કેસ એટેન્ડ કરાયા હતા.
