Western Times News

Gujarati News

કોહલી નાનકડા મહેમાનને આવકારવા ખૂબજ આતુર

નવી દિલ્હી: અનુષ્કા શર્મા અને વિરાટ કોહલીએ થોડા દિવસ પહેલા સોશિયલ મીડિયા પર પ્રેગ્નેન્સી અંગેની જાહેરાત કરી હતી, જે બાદ આ પાવરફુલ કપલને ચારેતરફ ખૂબ બધી શુભેચ્છાઓ અને અભિનંદન મળી રહ્યા છે. એક્ટ્રેસે અને ભારતીય ક્રિકેટ ટીમના કેપ્ટને ઈન્સ્ટાગ્રામ પર બંનેની એક સુંદર તસવીર શેર કરી હતી અને ગુડ ન્યૂઝ આપતા કેપ્શનમાં લખ્યું હતું કે, ‘અને પછી અમે ત્રણ થયા જાન્યુઆરી ૨૦૨૧માં આવશે.

હવે, હાલમાં આપેલા એક ઈન્ટરવ્યૂમાં વિરાટ કોહલીએ પિતા બનવાની ખુશ વ્યક્ત કરી છે. તેણે કહ્યું કે, આ અદ્દભુત અને અતુલ્ય લાગણી છે. તેણે કહ્યું કે, ‘જ્યારે અમને ખબર પડી તો અમે સાતમા આસમાનમાં ઉડવા લાગ્યા હતા.

જ્યારે અમે દુનિયા સાથે આ ન્યૂઝ શેર કર્યા તો લોકો ખરેખર ઈમોશનલ થઈ ગયા હતા અને અમારા માટે ખુશ પણ હતા. અમારા પરિવારમાં ત્રીજા સભ્યને આવકારવા માટે અમે આતુર છીએ.

અનુષ્કા અને વિરાટે હાલમાં દુબઈમાં પણ આરસીબીની ક્રિકેટ ટીમ સાથે મળીને કેક કટ કરીને સેલિબ્રેશન કર્યું હતું. જેનો વીડિયો સોશિયલ મીડિયા પર ખૂબ વાયરલ થયો હતો. વીડિયોમાં માતા-પિતા બનવાની ખુશી આ કપલના ચહેરા પર સ્પષ્ટ દેખાઈ આવતી હતી. વર્કફ્રંટની વાત કરીએ તો, અનુષ્કા શર્મા છેલ્લે ‘ઝીરો’માં જોવા મળી હતી. જેમાં તેની સાથે શાહરુખ ખાન અને કેટરીના કૈફ પણ હતા. નેક્સ્ટ ફિલ્મમાં અનુષ્કા ભારતીય મહિલા ક્રિકેટર જૂલન ગોસ્વામીના રોલમાં જોવા મળશે તેવા ન્યૂઝ હતા. પરંતુ તેણે હજુ સુધી આગામી પ્રોજેક્ટ વિશે જાહેરાત કરી નથી.


Read News In Hindi

Read News in English

Copyright © All rights reserved. | Developed by Aneri Developers.