રણબીર, રણવીર, વિકી ડ્રગ્સના બંધાણી નથી તે સાબિત કરે
મુંબઈ: બોલીવુડના સેલિબ્રિટીઝ ડ્રગ્સ લેતા હોવાનું જાહેરમાં કહેનારી એક્ટ્રેસ કંગના રનૌતે હવે નવો જ ધડાકો કર્યો છે. કંગનાની સોશિયલ મીડિયા ટીમે બોલીવુડના કેટલાક એક્ટર્સને પોતાનો બ્લડ ટેસ્ટ કરાવવા કહ્યું છે. કંગનાની ટીમ દ્વારા એક ટ્વીટમાં જણાવાયું છે કે રણવીર સિંહ, રણબીર કપૂર, અયાન મુખર્જી, વિકી કૌશલ બ્લડ ટેસ્ટ કરાવે તેવી માગ કરી છે.
પીએમઓને ટેગ કરતા આ ટ્વીટમાં કહેવાયું છે કે, ‘હું રણબીર કપૂર, રણવીર સિંહ, અયાન મુખર્જી, વિકી કૌશલને ડ્રગ ટેસ્ટ માટે તેમનું બ્લડ સેમ્પલ આપવા વિનંતી કરું છું. એવી અફવાઓ છે કે તેઓ કોકેઈનના બંધાણી છે, હું ઈચ્છું છું કે તેઓ આ અફવાનું ખંડન કરે, આ યુવાનોના સેમ્પલ ક્લીન આવશે તો તેઓ લાખો લોકોને ડ્રગથી દૂર રહેવાની પ્રેરણા આપશે. ઉલ્લેખનીય છે કે,
થોડા દિવસ પહેલા કંગનાએ ટ્વીટર પર જ દાવો કર્યો હતો કે તેને એકવાર ડ્રિંકમાં કંઈક ભેળવીને પીવડાવી દેવાયું હતું. તેણે એમ પણ લખ્યું હતું કે તે વખતે પોતે માઈનોર હતી અને તેના મેન્ટરે જ તેને ત્રાસ આપ્યો હતો. જ્યારે તેને સફળતા મળી ત્યારે તેને બોલીવુડની ફેમસ પાર્ટીઝમાં એન્ટ્રી મળી, અને ત્યાં તેણે ડ્રગ્સ, માફિયા અને ઐયાશીની એક અલગ જ દુનિયા જોઈ છે.