ઈશ્ક મેં મરજાવાંનો સુટકેસનો વીડિયો મીડિયા ઉપર વાયરલ
મુંબઈ: જો તમે સોશિયલ મીડિયા પર વાઇરલ થઈ રહેલા વિડીયો પર ધ્યાન આપશો તો સિરિયલ ઇશ્ક મેં મરજાવા ૨નો સૂટકેસ સીન તમે જોયો જ હશે. આ સીનમાં અભિનેત્રી હેલી શાહ તેના રૂમમાંથી બહાર આવે છે, દિવાલ સાથે અથડાયા બાદ બેભાન થઈને સૂટકેસમાં પડે છે. ત્યારબાદ તેઓને ઉપાડીને પાણીમાં ફેંકી દેવામાં આવે છે.
આ સીનને લઈને ઘણી ચર્ચા થઈ રહી છે અને સોશિયલ મીડિયા પર પણ ખૂબ મજાક બનાવવામાં આવી રહ્યો છે. વિડીયો વાયરલ થયા પછી હવે અભિનેત્રી હેલી શાહે આ સીન વિશે વાત કરી છે. આ સીન વિશે વાત કરતાં હેલી શાહે કહ્યું કે તેનું કામ પોતાની જોબને સરખી રીતે કરવનું છે. તેણે કહ્યું કે જે લોકોની પ્રતિક્રિયા આવી રહી છે
તે ખૂબ જ ફની છે અને તેની હું પણ મજા લઈ રહી છું. અમે તે સીનમાં દર્શકો માટે થોડો ડ્રામા અને સસ્પેન્સ નાંખ્યું હતું. શોમાં કેટલાક સીક્વન્સ તમને ફની અથવા વધારે પડતા લાગી શકે છે. કારણે કે ડેલી સોપમાં દરેક વસ્તુ અસલ જીવન જેવું હોતું નથી. એક આર્ટિસ્ટ તરીકે મેં મારું કામ ખુબ સારી રીતે કર્યું હતું. જ્યારે હેલેને પૂછવામાં આવ્યું કે તે સુટકેસમાં કેવી રીતે ફિટ થઈ હતી,
ત્યારે તેણે કહ્યું, મારી માતાએ જ્યારે આ દ્રશ્ય જોયું ત્યારે તેણે પણ મને આ જ પૂછ્યું. મને ખબર નથી, સેટ પર લાવવામાં આવેલી સૂટકેસમાં હું પહેલા જ પ્રયત્નમાં ફિટ થઈ ગઈ હતી. પરંતુ આનો અર્થ એ નથી કે તે સરળ હતું. હું લગભગ ૪૫ મિનિટ સુધી મારી બોડી બેન્ડ કરીને સૂટકેસમાં હતી. એક દિવસ પછી મારી ગરદનમાં દુખાવો થવા લાગ્યો હતો.
અમને જણાવી દઈએ કે તાજેતરમાં હેલીના કો-સ્ટાર રાહુલ સુધીરનો કોરોના રિપોર્ટ પોઝિટિવ આવ્યો હતો. હેલીએ કહ્યું છે કે તેનો કોરોના ટેસ્ટ નેગેટિવ આવ્યો છે. રાહુલનો રિપોર્ટ પોઝિટિવ આવ્યા બાદ તમામ કાસ્ટ અને ક્રૂ મેમ્બર્સની તપાસ કરવામાં આવી હતી. કોકિલાબેન અને રાશિના વાઈરલ વિડીયો બાદ હવે આ સૂટકેસનો વિડીયો સોશિયલ મીડિયામાં વાઈરલ થયો છે.
