વોટ્સએપનું નવું વર્ઝન ફેક ન્યુઝ ફોરવર્ડ થતાં અટકાવવામાં મદદ થશે
નવી દિલ્હી, વ્હોટ્સએપ ભારતમાં તેના વપરાશકર્તાઓ માટે ‘વારંવાર ફોરવર્ડ’ (‘frequently forwarded’) નામની નવી સુવિધા રજૂ કરવાની તૈયારીમાં છે. આ નવી સુવિધા વપરાશકર્તાને તે સંદેશને ઓળખવામાં મદદ કરશે જે પ્લેટફોર્મ પર કેટલી વખત ફોરવર્ડ કરવામાં આવ્યો છે. વોટ્સએપ છેલ્લા ઘણા સમયથી ‘ફોરવર્ડ’ સુવિધાનું પરીક્ષણ કરી રહ્યું હતું.
અહેવાલો અનુસાર, WhatsApp આ સંદેશને ફોરવર્ડ કરનારા વપરાશકર્તાઓને “આ સંદેશને કેટલી વખત ફોરવર્ડ કરેલા છે તરીકે ચિહ્નિત કરવામાં આવશે” તેવા લખાણ સાથે સૂચિત કરશે. નવું વોટ્સએપ અપડેટ ટેક્સ્ટ, ઇમેજ, વીડિયો અને ઓડિયો મેસેજીસ પર લાગુ થશે. વોટ્સએપની નવીનતમ સુવિધા તેના પ્લેટફોર્મ પર બનાવટી સમાચારો અને ખોટી માહિતી ફેલાવવા સામે લડવાનો છે.
પાંચથી વધુ વાર ફોરવર્ડ કરાયેલા સંદેશા માટે વારંવાર ફોરવર્ડ કરાયેલી સૂચના દેખાશે. જો કે, WhatsApp કોઈ મેસેજ મોકલવામાં આવ્યો છે તેની ચોક્કસ સંખ્યા જણાવશે નહીં. કંપનીએ કહ્યું કે, સંદેશને કેટલી વાર મોકલાઈ ગયો છે તે એન્ડ-ટુ-એન્ડ એન્ક્રિપ્ટ થયેલ છે. આ નવી સુવિધા હજી સુધી તમારા એપ પર ઉપલબ્ધ થઈ શકશે નહીં કારણ કે કંપની હજી તેને સંશોધન કરવાની પ્રક્રિયામાં છે.
