બોલિવૂડ અભિનેત્રી ક્રિતી સેનન કોરોના સંક્રમિત
મુંબઈ: તાજેતરમાં સમાચાર મળ્યા હતા કે, ચંદીગઢમાં ફિલ્મ જુગ જુગ જિયો માટે શૂટિંગ કરી રહેલા વરૂણ ધવન, નીતુ કપૂર, મનિષ પોલ અને દિગ્દર્શક રાજ મહેતા કોરોના પોઝિટિવ મળી આવ્યા છે. હવે સમાચાર છે કે, અભિનેત્રી ક્રિતી સેનનનો પણ કોરોનાનો રિપોર્ટ પોઝિટિવ આવ્યો છે.
કૃતિ સેનન તેની આગામી ફિલ્મનું શૂટિંગ રાજકુમાર રાવ સાથે ચંદીગઢમાં કરી રહી હતી અને શૂટિંગનું ચંદીગઢ શિડ્યુલ એક દિવસ અગાઉ પૂર્ણ થયું હતું. ક્રિતીના નજીકના એક સૂત્રએ જણાવ્યું હતું કે, ક્રિતીએ સોમવારે જ કોરોના પોઝિટિવ હોવા અંગે માહિતી આપી છે.
જાે કે, હજી સુધી તે જાણી શકાયું નથી કે ક્રિતીની તબિયત કેવી છે અને તેમાં કોરોના વાયરસના કેટલા લક્ષણો જાેવા મળી રહ્યા છે. ક્રિતી સેનન છેલ્લે અર્જુન કપૂર અને સંજય દત્ત સાથે ફિલ્મ પાણીપતમાં જાેવા મળી હતી. ક્રિતી સેનન હવે પંકજ ત્રિપાઠી અને સઈ તમહાનકર સાથે ફિલ્મ મિમીમાં જાેવા મળશે, જેમાં તે સરોગેટ મધરની ભૂમિકા નિભાવી રહી છે.
આ સિવાય ક્રિતી સેનન પાસે અક્ષય કુમાર સાથે બચ્ચન પાંડે અને પ્રભાસ સાથે આદિપુરુષ જેવી મોટી ફિલ્મો પણ છે. ઉલ્લેખનીય છે કે, અગાઉ ઘણા બોલીવુડ સેલેબ્સ કોરોનાની ઝપેટમાં આવી ચૂક્યા છે. જેમાં બચ્ચન પરિવાર, અનુપમ ખેરના ભાઈનો પરિવાર, અર્જૂન-મલાઈકા સહિતનો સમાવેશ થાય છે. તાજેતરમાં સની દેઓલ, વરૂણ ધવન, નીતુ કપુરને પણ કોરોનાનો ચેપ લાગતા સારવાર લઈ રહ્યા છે.
