Western Times News

Gujarati News

બ્રેઈન ડેડ કિશોરીના સાત અંગોનું પરિવારે દાન કર્યું

વડોદરા, પંચમહાલ જિલ્લાના હાલોલ સ્થિત અને વડોદરાની સવિતાની હોસ્પિટલમાં સારવાર દરમિયાન બ્રેઇન ડેડ જાહેર થયેલી ૧૭ વર્ષની કિશોરીના સાત ઓર્ગન ડોનેટ કરવાનો તેના પરિવારજનોએ ર્નિણય લીધો હતો. આ ઓર્ગનને નિયત સ્થળે પહોંચાડવા માટે ગ્રીન કોરિડોરનો ઉપયોગ કરવામાં આવ્યો હતો. તેનુ હ્રદય દિલ્હી અને ફેક્સાં મુંબઇ ખાતે વિશેષ વિમાન મારફતે પહોચાડવામાં આવ્યુ હતુ. જ્યારે કિડની, લિવર, ચક્ષુ સહિત અન્ય અવયવો અમદાવાદના આઇકેડી હોસ્પિટલ ખાતે મોકલવામાં આવ્યા હતા. તેના માટે વડોદરાથી અમદાવાદ સુધીનું ૧૩૦ કિલોમીટરનું અંતર ૮૫ મિનીટમાં અને હોસ્પિટલથી વડોદરાના હરણી એરપોર્ટ સુધીનું ૬.૮ કિલોમીટર સુધીનું અંતર માત્ર આઠ મિનીટમાં કાપવામાં આવ્યુ હતુ. અલબત્ત એક સાથે સાત અવયવોનું દાન કરવાનો વડોદરામાં આ પ્રથમ કિસ્સો હોવાનું જાણકારોનું માનવુ છે.

હાલોલના ગોધરા રોડ પર આવેલી સનસિટી સોસાયટીમાં નીરજ શાહ અને ક્રિમાબહેન શાહની ૧૭ વર્ષની મોટી દીકરી નંદનીની ગત તારીખ ૧૮મી ડિસેમ્બરની રાત્રે તબિયત ખરાબ થઇ ગઇ હતી. માતા-પિતા તરત જ દીકરીને હાલોલની હોસ્પિટલમાં લઇ ગયા હતા. જ્યાંથી વધુ સારવાર માટે વડોદરા વાઘોડિયા રોડ ચાર રસ્તા પાસે આવેલી સવિતા હોસ્પિટલમાં લઇ આવ્યા હતા. તબીબોએ તેને બચાવી લેવા માટે અથાગ પ્રયત્નો કર્યાં હતા, પરંતુ આખરે તેમને બુધવારે સાંજે પાંચ વાગે નંદનીને બ્રેઇનડેડ જાહેર કરવાની ફરજ પડી હતી. નંદનીને બ્રેઇન ડેડ જાહેર કર્યા બાદ હોસ્પિટલની કાઉન્સેલિંગ કરતી ટીમ દ્વારા નંદનીનાં માતા-પિતાને નંદનીનાં અંગોનું દાન કરવા માટે સમજાવવામાં આવ્યાં હતાં. નંદનીનાં માતા-પિતા પણ દીકરીનાં અંગોનું દાન કરવા માટે તૈયાર હતાં.

દ્વારા અંગો સમયસર યોગ્ય સ્થળે પહોંચી જાય એ માટે તૈયારીઓ શરૂ કરી દેવામાં આવી હતી. જેના પગલે આજે સવારે દિલ્હી એઇમ્સની ટીમ હાર્ટ માટે, મુંબઇની ફોર્ટિસ હોસ્પિટલની ટીમ ફેફસાં માટે વડોદરા આવી પહોંચી હતી. નંદનીના શરીરમાં સર્જરી કરીને હાર્ટ અને ફેક્સાં સહી સલામત બહાર કાઢ્યાં હતાં. એ જ રીતે કિડની, ચક્ષુ અને લિવર માટેની અલગ-અલગ ટીમો દ્વારા આ અંગો કાઢવામાં આવ્યાં હતાં.

આ તમામ અવયવો સમયસર યોગ્ય સ્થળે પહોંચાડવામાં આવ્યાં છે. નંદીનીનું હ્રદય હરણી વિમાની મથકથી ઇન્ડિગો ફ્લાઇટમાં દિલ્હી એઇમ્સમાં મોકલવા માટે અને ફેફસાં મુંબઇ ફોર્ટિસ હોસ્પિટલમાં પહોંચાડવા માટે ચાર્ટર પ્લેનની વ્યવસ્થા કરવામાં આવી હતી. જ્યારે કિડની, લિવર અને ચક્ષુ બાય રોડ દ્વારા અમદાવાદ આઇ.કે.ડી. હોસ્પિટલમાં પહોંચાડવાનાં હતાં. અંગો પહોંચાડવા માટે માર્ગમાં કોઇ અવરોધ ઊભો ન થાય એ માટે શહેર ટ્રાફિક-પોલીસ તંત્રની મદદ લેવામાં આવી હતી.

વડોદરા શહેર ટ્રાફિક-પોલીસ દ્વારા કોરિડોર કરી હોસ્પિટલથી હરણી એરપોર્ટ સુધીનું ૬.૮ કિલોમીટરનું અંતર ૮ મિનીટમાં કાપીને હાર્ટ અને લંગ્સ પહોંચાડવામાં આવ્યાં હતાં. એ જ રીતે કિડની, ચક્ષુ અને લિવર હોસ્પિટલથી અમદાવાદ પહોંચાડવામાં આવ્યાં હતાં. વડોદરાની હોસ્પિટલથી અમદાવાદ આઇ.કે.ડી. સુધીનું ૧૩૦ કિ.મી.નું અંતર ગણતરીની મિનિટોમાં અંગો પહોંચાડવામાં આવ્યાં હતાં.

ક્રિમાબહેન શાહે જણાવ્યું હતું કે મારી ઇચ્છા હતી કે મારા મૃત્યુ બાદ મારા શરીરના તમામ અવયવો દાન કરીશ, પરંતુ એ ક્યારેય વિચાર્યું ન હતું કે મારા જીવતાજીવ મારી દીકરી નંદીનીનાં અંગોનું દાન મારે કરવાનો વખત આવશે. મારા મૃત્યુ બાદ મારા શરીરનાં અંગો દાન કરવાનું વિચાર્યું હતું, પરંતુ મારાં અંગો પહેલાં મારી દીકરીનાં અંગોનું દાન કરવાનો વખત આવ્યો. આનું મને ગૌરવ છે, સાથે દીકરીની વિદાયનું દુઃખ પણ છે. મારાં બે સંતાનોમાં નંદીની મોટી દીકરી હતી અને ધ્યેય મારો નાનો પુત્ર છે.

મારી દિકરી હંમેશા કહેતી હતી કે, હું ધોરણ-૧૨માં પણ સારા ટકાએ પાસ થઈશ, પરંતુ હું મેકઅપ આર્ટિસ્ટ બનીશ.
નીરજ શાહે જણાવ્યું હતું કે, અમારી દીકરી નંદની એકાએક અમારી વચ્ચેથી વિદાય લેશે એની અમને સ્વપ્ને પણ ખબર ન હતી. ભલે અમારી દીકરી આજે અમારી પાસે સ્વદેહે નથી, પરંતુ તેનાં અંગોનું જે વ્યક્તિઓમાં પ્રત્યાર્પણ થશે એટલે અમને આનંદ થશે કે અમારી દીકરી આ ધરતી ઉપર છે.

અમારી દીકરીનું હાર્ટ, લંગ્સ, કિડની, આંખો તેમજ લિવર બીજાને કામ લાગવાથી અમે ગૌરવ અનુભવીએ છે. અમારી સમાજને અપીલ છે કે સમાજમાં ભલે જીવતાજીવ કોઇને કામ આવીએ કે ન આવીએ, પરંતુ મૃત્યુ બાદ આપણાં અંગોનું દાન કરીને કોઇને કામ આવીએ તેવું કરવું જાેઇએ. SSS


Read News In Hindi

Read News in English

Copyright © All rights reserved. | Developed by Aneri Developers.