સૈફની ગેરહાજરીમાં કરીનાનું ધ્યાન બહેનપણીઓ રાખે છે
મુંબઈ: બોલિવુડ એક્ટ્રેસ કરીના કપૂર હાલ પોતાની બીજી પ્રેગ્નેન્સીને માણી રહી છે. કરીના કપૂર ખાન અવારનવાર મુંબઈમાં ફરતી જાેવા મળે છે. ક્યારેક શૂટિંગ પર તો ક્યારેક પોતાની બહેનપણીના ઘરે તો ક્યારેક પોતાની મમ્મીના ઘરે જતી કરીના જાેવા મળે છે.
હાલમાં જ કરીના કપૂર પોતાના ઘરની બહાર જાેવા મળી હતી. ગુરુવારે સાંજે કરીના ગ્રીન રંગના કફ્તાનમાં પોતાના ઘરની બહાર જાેવા મળી હતી. પ્રેગ્નેન્સી દરમિયાન કરીના કપૂરને કફ્તાન પહેરવાની ખૂબ મજા આવી રહી છે! એક્ટ્રેસ અવારનવાર કફ્તાન પહેરેલી જાેવા મળી છે.
ગ્રીન કફ્તાનમાં બેબો હંમેશાની જેમ સુંદર લાગી રહી હતી. તો તેનો મોટો થઈ રહેલો બેબી બંપ પણ જાેઈ શકાતો હતો. કરીનાની સાથે તેના બાંદ્રા સ્થિત ઘરે બહેન કરિશ્મા કપૂર પણ આવી હતી. રેડ વન પીસમાં કરિશ્મા પણ સુંદર લાગતી હતી. તો કરિશ્મા ઉપરાંત ‘કપૂર સિસ્ટર્સ’ની બેસ્ટ ફ્રેન્ડ મલાઈકા અને અમૃતા અરોરા પણ કરીનાના ઘરે જાેવા મળ્યા હતા.
હાલ સૈફ અલી ખાન મુંબઈમાં નથી ત્યારે કરિશ્મા, અમૃતા અને મલાઈકા પ્રેગ્નેન્ટ બેબોનું ધ્યાન રાખે છે. કરીનાને કંપની આપવા અવારનવાર મલાઈકા અને અમૃતા તેના ઘરે આવતા રહે છે.
સૈફ અલી ખાન હાલ જેસલમેરમાં આગામી ફિલ્મ ‘ભૂત પોલીસ’નું શૂટિંગ કરી રહ્યો છે. જાે કે, સૈફે બીજા બાળકના જન્મ વખતે સૈફે પેટરનિટી લીવ લીધી છે. ફેબ્રુઆરીમાં સૈફ અને કરીના બીજીવાર પેરેન્ટ્સ બનશે ત્યારે એ વખતે પત્ની અને નવજાત બાળકનું ધ્યાન રાખવા સૈફ ઘરે જ રહેશે.
બીજા બાળકના જન્મ પહેલા સૈફ અને કરીના પોતાના નવા ઘરમાં શિફ્ટ થવાના છે. ત્યારે કરીનાએ થોડા દિવસ પહેલા જ પોતાની ગર્લ ગેંગ સાથે હાલના ઘરે ગેટ-ટુ-ગેધરનું આયોજન કર્યું હતું. જેની તસવીરો તેમણે પોતાના સોશિયલ મીડિયા અકાઉન્ટ પર પણ શેર કરી હતી.
ઉલ્લેખનીય છે કે, સૈફ-કરીનાના નવા ઘરમાં એક ખૂબસૂરત લાઈબ્રેરી, સુંદર ટેરેસ અને બાળકો માટે નર્સરી છે. સૈફ અને કરીનાએ આ ઘર થોડા વર્ષો પહેલા ખરીદ્યું હતું. ત્યારે કપલે બીજા બાળકના આગમન પહેલા નવા ઘરને ડિઝાઈન પણ કરાવી દીધું છે. ઘરનું કામ જાેવા માટે સૈફ અવારનવાર ત્યાં આવતો-જતો હતો.
થોડા દિવસ પહેલા કરીના પણ ઈન્ટીરિયર ડિઝાઈનર સાથે ચર્ચા કરતી જાેવા મળી હતી. જાે કે, કપલ નવા ઘરે ક્યારે શિફ્ટ થશે તેની ચોક્કસ માહિતી હાલ મળી નથી. વર્કફ્રંટની વાત કરીએ તો કરીના કપૂર ખાન આમિર ખાન સાથેની ફિલ્મ ‘લાલ સિંહ ચઢ્ઢા’માં જાેવા મળશે. તો સૈફ અલી ખાન ‘ભૂત પોલીસ’ અને ‘આદિપુરુષ’માં જાેવા મળશે.
