ગેમ ચેન્જરમાં કિયારાનો લેટેસ્ટ લુક જોઈ ફેન્સને આઘાત
‘ગેમ ચેન્જર’ જાન્યુઆરી ૨૦૨૫માં રિલીઝ થશે
ફિલ્મ મેકર્સે હાલમાં જ ફિલ્મના ત્રીજા ગીત ‘નાના હિરાના’નું પ્રમોશનલ પોસ્ટર રિલીઝ કર્યું છે
મુંબઈ,
સાઉથની ફિલ્મ ‘ગેમ ચેન્જર’ના નવા પોસ્ટરમાં કિયારા અડવાણીને જોઈને લોકો દંગ રહી ગયા છે. લોકોએ આ પોસ્ટર પર ઘણી કોમેન્ટ કરી છે અને કહ્યું છે કે તે કિયારા ન હોઈ શકે. યુઝર્સે કહ્યું- કોઈએ આને કેવી રીતે મંજૂરી આપી, આ કેવી ક્રિએટિવિટી છે? સિવાય કે તેઓ તેને ઈરાદાપૂર્વક ખરાબ દેખાવા માંગતા હોય.સાઉથની ફિલ્મ ‘ગેમ ચેન્જર’ જેમ જેમ તેની રિલીઝ તરફ આગળ વધી રહી છે, તેના પ્રમોશન માટે તેના પોસ્ટર અને ગીતો રિલીઝ કરવામાં આવી રહ્યા છે. જો કે, આ દરમિયાન, તાજેતરમાં કિયારા અડવાણીનું લેટેસ્ટ પોસ્ટર લોકોને બિલકુલ પસંદ આવ્યું નથી અને ચાહકો નિરાશ થયા છે.એસ શંકર દ્વારા નિર્દેશિત ‘ગેમ ચેન્જર’ જાન્યુઆરી ૨૦૨૫માં રિલીઝ થઈ રહી છે. ફિલ્મ મેકર્સે હાલમાં જ ફિલ્મના ત્રીજા ગીત ‘નાના હિરાના’નું પ્રમોશનલ પોસ્ટર રિલીઝ કર્યું છે. આ પોસ્ટરમાં કિયારા અડવાણી અપ્સરા જેવી દેખાઈ રહી છે.
લોકો કિયારાના આ લુકને આપત્તિ ગણી રહ્યા છે.‘ગેમ ચેન્જર’ના આ પોસ્ટર પર લોકોએ પોતાનો ગુસ્સો વ્યક્ત કર્યાે છે. આ ફિલ્મના ગીત ‘જાના હરાન સા’માં કિયારા અને રામ ચરણની કેમેસ્ટ્રી લોકોને પસંદ આવી છે, પરંતુ બેકગ્રાઉન્ડ વિઝ્યુઅલ કોઈને પસંદ નથી આવી રહ્યું. આ સાથે કિયારાના પોસ્ટરોએ પણ લોકોમાં ઘણો ગુસ્સો ઉભો કર્યાે છે.વાસ્તવમાં, પહેલા ચાહકોને લાગતું હતું કે કિયારા આ ફિલ્મમાં ‘બોન્ડ ગર્લ’ જેવી દેખાશે, પરંતુ જે પોસ્ટર બતાવવામાં આવ્યું તે જોઈને લોકો ચોંકી ગયા. કિયારાએ પોતે પણ પોસ્ટર શેર કર્યું છે, જેમાં તેની પાછળ બીજા ઘણા હાથ જોવા મળે છે. હવે લોકોએ કોમેન્ટનો વરસાદ કર્યાે છે.કેટલાક અન્ય લોકોએ પણ તેની સરખામણી દીપિકા પાદુકોણના ‘ઓમ શાંતિ ઓમ‘ના પોસ્ટર સાથે કરી હતી. લોકોએ લખ્યું છે કે આ પોસ્ટર ‘ઓમ શાંતિ ઓમ‘માં દીપિકાનું સસ્તું વર્ઝન છે, આ શું બકવાસ છે. જણાવી દઈએ કે ‘ગેમ ચેન્જર’ નવા વર્ષ પર ૧૦ જાન્યુઆરીએ રિલીઝ થઈ રહી છે. રામ ચરણ સાથે કિયારાની આ બીજી તેલુગુ ફિલ્મ હશે. આ પહેલા બંને વર્ષ ૨૦૧૯માં રિલીઝ થયેલી ‘વિનય વિદ્યા રામા’માં સાથે જોવા મળ્યા હતા.
