‘જેલર ૨’માં ૭૩ વર્ષીય રજનીકાંત એક્શન અવતારમાં દેખાશે

‘જેલર ૨’નું નવું પોસ્ટર રિલિઝ

પહેલા પોસ્ટરમાં રજનીકાંત પોતાના દમદાર અંદાજમાં જોવા મળી રહ્યા છે અને તેમના હાથમાં બંદૂક છે

મુંબઈ,
૭૩ વર્ષીય રજનીકાંત એક્શન અવતારમાં જોવા મળશે, ‘જેલર ૨’ના ૬ પાત્રોના અદ્ભુત પોસ્ટર સામે આવ્યા છે જે જોઈને ચાહકોએ કહ્યું – બ્રેકિંગ બેડ વર્ઝન છે આ ફિલ્મ. થલાઈવાની મોસ્ટ અવેટેડ ફિલ્મ ‘જેલર ૨’નું નવું પોસ્ટર બની ગયું છે. સોશિયલ મીડિયા પર લોકપ્રિય છે, જેમાં ૭૩ વર્ષીય રજનીકાંત અને મોહનલાલની ઝલકએ ચાહકોને દિવાના બનાવી દીધા છે.‘થલાઈવાની મોસ્ટ અવેટેડ ફિલ્મ ‘જેલર ૨’નું નવું પોસ્ટર આવી ગયું છે. બોક્સ ઓફિસ પર શાનદાર પ્રદર્શન કરનાર અને હિટનો ટેગ મેળવનાર રજનીકાંતની ફિલ્મના નવા પોસ્ટરમાં દરેક પાત્રનો પાવરફુલ લુક જાહેર થયો છે.

પ્રોડક્શન હાઉસ સન પિક્ચર્સે સોશિયલ મીડિયા પ્લેટફોર્મ ઈન્સ્ટાગ્રામ પર ફિલ્મ સંબંધિત પોસ્ટર શેર કર્યા અને કેપ્શનમાં લખ્યું, “જ્યારે ‘જેલર’ના પાત્રો ચાર્જમાં હોય છે, ત્યારે કોઈ અડધું કામ હોતું નથી.”પહેલા પોસ્ટરમાં રજનીકાંત પોતાના દમદાર અંદાજમાં જોવા મળી રહ્યા છે અને તેમના હાથમાં બંદૂક છે. જ્યારે, બીજામાં મોહનલાલ, શિવ રાજકુમાર અને જેકી શ્રોફ સહિત અન્ય અનુભવી સ્ટાર્સ છે. આ ફિલ્મમાં ‘લિયો’ અભિનેત્રી રામ્યા કૃષ્ણન, તમન્ના ભાટિયા, યોગી બાબુ અને વસંત રવિ જેવા સ્ટાર્સનો સમાવેશ થાય છે.‘જેલર ૨’ના લેખક અને દિગ્દર્શક નેલ્સન દિલીપ કુમાર છે. આ ફિલ્મ ‘જેલર’ની સિક્વલ છે, જેનું ટાઈટલ મેકર્સે ‘જેલર ૨’ આપ્યું છે.

‘જેલર’ હિન્દી તેમજ તમિલ, તેલુગુ, મલયાલમ અને કન્નડમાં થિયેટરોમાં રિલીઝ થઈ હતી અને તે બ્લોકબસ્ટર હતી. આ એક નિવૃત્ત જેલર ટાઇગર મુથુવેલ પાંડિયનની જીવનકથા છે. થલાઈવા રજનીકાંત ફિલ્મમાં જેલર તરીકે મજબૂત સ્ટાઈલમાં જોવા મળ્યા હતા.સન પિક્ચર્સ દ્વારા નિર્મિત અને નેલ્સન દિલીપ કુમાર દ્વારા દિગ્દર્શિત, આ ફિલ્મમાં રજનીકાંત સાથે રામ્યા કૃષ્ણન, યોગી બાબુ, વિનાયકન, તમન્ના ભાટિયા અને માસ્ટર રિત્વિક મહત્વની ભૂમિકામાં હતા. મીડિયા રિપોટ્‌ર્સ અનુસાર, રજનીકાંતના જમાઈ અને સાઉથ એક્ટર ધનુષ પણ ‘જેલર ૨’માં જોવા મળી શકે છે. જો કે પ્રોડક્શન હાઉસ દ્વારા હજુ સુધી આ વાતની પુષ્ટિ કરવામાં આવી નથી.