૭૫માં પ્રજાસત્તાક દિવસની ઉજવણી નિમિત્તે ગૃહ મંત્રાલયે સુરક્ષા કર્મચારીઓ માટે વીરતા પુરસ્કારો અને સેવા ચંદ્રકોની જાહેરાત કરી
ગુજરાતનાં ૧૭ પોલીસ કર્મચારીઓને મળશે મેડલ
જેમને સેવા મેડલ એનાયત કરવામાં આવ્યા છે તેઓ ફાયર સર્વિસ, પોલીસ, સિવિલ ડિફેન્સ, હોમગાર્ડ અને કરેક્શનલ સર્વિસના છે
આ વર્ષે ૧૧૩૨ જવાનોનું સન્માન કરવામાં આવશે
નવી દિલ્હી, ૭૫માં પ્રજાસત્તાક દિવસની ઉજવણીના એક દિવસ પહેલા, ગૃહ મંત્રાલયે ગુરુવારે સુરક્ષા કર્મચારીઓ માટે વીરતા પુરસ્કારો અને સેવા ચંદ્રકોની જાહેરાત કરી હતી. ગૃહ મંત્રાલય દ્વારા જાહેર કરવામાં આવેલા સત્તાવાર નિવેદન અનુસાર, ૧,૧૩૨ સુરક્ષા કર્મચારીઓને તેમની અસાધારણ સેવાઓ માટે સન્માન આપવામાં આવશે. નિવેદનમાં જણાવવામાં આવ્યું છે કે, જેમને સેવા મેડલ એનાયત કરવામાં આવ્યા છે તેઓ ફાયર સર્વિસ, પોલીસ, સિવિલ ડિફેન્સ, હોમગાર્ડ અને કરેક્શનલ સર્વિસના છે.
1132 personnel of Police, Fire Service, Home Guard & Civil Defence and Correction Service awarded Gallantry/Service Medals on the occasion of the Republic Day- 2024.@HMOIndia @PIB_India @DDNewslive @airnewsalerts
— Spokesperson, Ministry of Home Affairs (@PIBHomeAffairs) January 25, 2024
ભારતના ૭૫મા પ્રજાસત્તાક દિવસ નિમિત્તે પોલીસ, ફાયર સર્વિસ, હોમગાર્ડ અને સિવિલ ડિફેન્સ અને સુધારક સેવાના કુલ ૧,૧૩૨ કર્મચારીઓને શૌર્ય અને સેવા મેડલ એનાયત કરવામાં આવ્યા છે. ૨૭૭ શૌર્ય ચંદ્રકોમાંથી, J&K પોલીસનાં ૭૨ કર્મચારીઓ, મહારાષ્ટ્રના ૧૮ કર્મચારીઓ, છત્તીસગઢના ૨૬ કર્મચારીઓ, ઝારખંડના ૨૩ જવાનો, ઓડિશાના ૧૫ જવાનો, દિલ્હીના ૮ કર્મચારીઓ, CRPFના ૬૫ જવાનો, SSB ૨૧ જવાનોને એનાયત કરવામાં આવ્યા છે. અને બાકીના અન્ય રાજ્યો/ કેન્દ્રશાસિત પ્રદેશો અને કેન્દ્રીય સશસ્ત્ર પોલીસ દળોને એનાયત કરવામાં આવ્યા છે. ગુજરાતમાંથી કુલ ૧૭ પોલીસ કર્મચારી અને અધિકારીઓને મેડલની જાહેરાત થઈ છે.
મેરીટોરીયસ સર્વિસ(MSM) માટેના ૭૫૩ મેડલમાંથી ૬૬૭ પોલીસ સેવા, ૩૨ ફાયર સર્વિસ, ૨૭ સિવિલ ડિફેન્સ અને હોમગાર્ડ સેવા અને ૨૭ સુધારાત્મક સેવાને એનાયત કરવામાં આવ્યા છે. વિશિષ્ટ સેવા માટેના ૧૦૨ રાષ્ટ્રપતિ ચંદ્રક (PSM)માંથી ૯૪ પોલીસ સેવા, ૪ ફાયર સર્વિસ અને ૪ સિવિલ ડિફેન્સ અને હોમગાર્ડ સેવાને એનાયત કરવામાં આવ્યા છે. ડાબેરી ઉગ્રવાદ પ્રભાવિત વિસ્તારોમાં રોકાયેલા ૧૧૯ પોલીસ કર્મચારીઓ, ૧૩૩ જમ્મુ અને કાશ્મીર ક્ષેત્રમાં તૈનાત અને અન્ય પ્રદેશોમાં તૈનાત ૨૫ જવાનોને આ વર્ષે આર-ડેની પૂર્વસંધ્યાએ તેમની બહાદુરીપૂર્ણ કાર્યવાહી માટે પુરસ્કાર આપવામાં આવ્યો છે.ss1
