અંકલેશ્વરના બાકરોલ બ્રિજ નીચેથી મ્યાઉ મ્યાઉ ડ્રગ્સ સાથે ૩ નશાના સોદાગરો ઝડપાયા
Files Photo
ભરૂચ, જિલ્લામાં અંકલેશ્વરના બાકરોલ બ્રિજ નીચેથી મ્યાઉ મ્યાઉ ડ્રગ્સ સાથે ૩ નશાના સોદાગરોને એસઓજીએ ઝડપી પાડ્યા છે. મ્યાઉ મ્યાઉ ડ્રગ્સનો ૨૭ ગ્રામ ૩૮૦ મિલિગ્રામ જથ્થો ઝઘડિયાના દઢેડા ગામનો સાદાબોદીન ઉર્ફે સાદાબ શેખ લેવા આવ્યો હતો.
૨.૭૩ લાખનું એમ.ડી. ડ્રગ્સ, ઇકો કાર, ૪ મોબાઈલ મળી કુલ ૫ લાખનો જથ્થો પોલીસ દ્વારા કબ્જે કરાયો છે. સમગ્ર મામલે એન.ડી.પી.એસ. એક્ટ હેઠળ ગુનો નોંધી વધુ તપાસ એસ.ઓ.જી. પી.આઈ. કે.ડી. મંડોરા એ હાથ ધરી છે.
ભરૂચ સ્પેશ્યલ ઓપરેશન ગ્રુપે અંકલેશ્વરના બાકરોલ બ્રિજ નીચેથી ૨.૭૩ લાખના મ્યાઉ મ્યાઉ એમ.ડી.ડ્રગ્સ સાથે નશાના ૩ સોદાગરોની કુલ રૂપિયા ૫ લાખના મુદ્દામાલ સાથે ધરપકડ કરી છે.
ભરૂચ એસઓજીને અંકલેશ્વરના બાકરોલ બ્રિજ નીચે પાર્ટી ડ્રગ્સના સપ્લાયર અને કેરિયર ભેગા થવાના હોવાની બાતમી મળી હતી. જેના આધારે વોચ ગોઠવતા ઇકો કારમા ડિલિવરી આપવા આવેલા બે આરોપી અને ડિલિવરી લેનાર કેરિયરને પકડી પાડ્યો હતો. ઇકો કાર નંબર જીજે ૫ આર.ઇ. ૬૫૦૯ માં દઢાલના મદનીનગરના રિઝવાન અબ્દુલ સૈયદ અને નવાગામ કરારવેલનો શરીફ ઉર્ફે સદામ ચૌહાણ એમ.ડી. ડ્રગ્સ મેફોડ્રિન પાન મસાલાની પડકીમાં લઈ આવ્યા હતા.
મ્યાઉ મ્યાઉ ડ્રગ્સનો ૨૭ ગ્રામ ૩૮૦ મિલિગ્રામ જથ્થો ઝઘડિયાના દઢેડા ગામનો સાદાબોદીન ઉર્ફે સાદાબ શેખ લેવા આવ્યો હતો. એસ.ઓ.જી. એ ત્રણે ડ્રગ્સના સોદાગરોને ઝડપી પાડી ?૨.૭૩ લાખનું એમ.ડી.ડ્રગ્સ, ઇકો કાર, ૪ મોબાઈલ અને રોકડ મળી કુલ ?૫ લાખનો મુદ્દામાલ કબ્જે લીધો હતો. આ ડ્રગ્સ તેઓ સુરત કડોદરા ચોકડી ખાતેથી વેચાણ અર્થે લાવ્યા હતા. એન.ડી.પી.એસ. એક્ટ હેઠળ ગુનો નોંધી વધુ તપાસ એસ.ઓ.જી. પી.આઈ. કે.ડી. મંડોરાએ હાથ ધરી છે. સાથે જ ઝડપાયેલા સ્.ડ્ઢ. ડ્રગ્સના સેમ્પલ લઈ તેને તપાસ માટે એફએસએલમાં મોકલી આપવામાં આવ્યા છે.HS
