અપર્ણા યાદવે સસરા મુલાયમના આશીર્વાદ લીધા

લખનૌ, ઉત્તર પ્રદેશ વિધાનસભા ચૂંટણીના મતદાન પહેલા ભાજપમાં સામેલ થયેલા સમાજવાદી પાર્ટીના સંસ્થાપક મુલાયમ સિંહ યાદવની પુત્રવધૂ અપર્ણા યાદવની એક તસવીર ઝડપથી વાયરલ થઈ રહી છે. આ તસવીરમાં અપર્ણા તેના સસરા મુલાયમ સિંહ યાદવના આશીર્વાદ લઈ રહી છે. અપર્ણા બીજેપીમાં જાેડાયા બાદ પૂર્વ મુખ્યમંત્રી અખિલેશ યાદવે કહ્યું હતું કે નેતાજી (મુલાયમ યાદવે) અપર્ણાજીને મનાવવાનો ઘણો પ્રયાસ કર્યો હતો.

ભગવા પાર્ટીમાં જાેડાઈને, અપર્ણા યાદવે, જેમણે ૨૦૧૭ની છેલ્લી વિધાનસભા ચૂંટણીમાં લખનૌ કેન્ટમાંથી બીજેપી નેતા રીટા બહુગુણા જાેશીના હાથે હારનો સામનો કરવો પડ્યો હતો, તેમણે પાર્ટીને આંતરિક મતભેદોના મુદ્દે ભૂતપૂર્વ મુખ્ય પ્રધાન અખિલેશ યાદવને ઘેરવાનો મુદ્દો આપ્યો છે.

ભાજપમાં જાેડાયા બાદ અપર્ણા યાદવે કહ્યું હતું કે, હું હંમેશા વડાપ્રધાનથી પ્રભાવિત રહી છું. મારા વિચારોમાં રાષ્ટ્ર હંમેશા પ્રથમ છે. રાષ્ટ્રવાદ મારા માટે સૌથી મહત્વપૂર્ણ છે. હું માત્ર એટલું જ કહેવા માંગુ છું કે હવે હું રાષ્ટ્રની પૂજા કરવા બહાર આવી છું.HS