અભિનેતા કાર્તિક આર્યને ફિલ્મ ‘ભૂલભુલૈયા ૪’ પણ સાઇન કરી?
પ્રોડ્યુસર્સને ‘ભૂલભુલૈયા ૩’ની સફળતાની ખાતરી હોવાથી ચોથા ભાગની પણ ચર્ચા
આ દિવાળી સિનેમામાં જઈને ફિલ્મ જોનાર દર્શકોને પણ દિવાળી છે, કારણ કે બે મોટી ફિલ્મો ‘સિંઘમ અગેઇન’ અને ‘ભૂલભુલૈયા ૩’ રિલીઝ થઈ રહી છે
મુંબઈ,આ દિવાળી સિનેમામાં જઈને ફિલ્મ જોનાર દર્શકોને પણ દિવાળી છે, કારણ કે બે મોટી ફિલ્મો ‘સિંઘમ અગેઇન’ અને ‘ભૂલભુલૈયા ૩’ રિલીઝ થઈ રહી છે. આ બંને ફિલ્મોનો અલગ ફૅન બેઝ છે અને બંને ફિલ્મો માટે દર્શકો ઘણા લાંબા સમયથી રાહ જોઈ રહ્યાં છે. સિંઘમ એક્શન સિક્વલ્સથી ભરપૂર ફિલ્મ છે તો ભૂલભુલૈયા ડરાવવાની સાથે હસાવશે પણ ખરી. બંને ફિલ્મો સફળ ળેન્ચાઇઝીની ત્રીજી ફિલ્મો છે. હવે ‘ભૂલભુલૈયા ૩’ આવે એ પહેલાં જ તેના આગળના પાર્ટની વાતો અને અફવાઓ શરૂ થઈ ગઈ છે.
કેટલાક સૂત્રો દ્વારા મળતી માહિતી અનુસાર ટી-સિરીઝ અને પ્રોડ્યુસર્સ અત્યારથી જ ત્રીજા ભાગની સફળતાનો વિશ્વાસ ધરાવે છે. એક ઇન્ટરવ્યૂમાં સૂત્ર દ્વારા માહિતિ મળી છે કે,“પ્રોડ્યુસર્સને વિશ્વાસ છે કે ત્રીજો ભાગ કમાણીમાં બીજા ભાગના બધાં જ રેકોડ્ર્ઝ તોડી નાખશે. ચોથા ભાગ પર પહેલાંથી જ વિચારણા શરૂ થઈ ગઈ છે. જેવો ત્રીજો ભાગ રિલીઝ થશે તે ચોથા ભાગનું કામ શરૂ થઈ જશે.”આ વાત ફિલ્મ મેકર્સનો વિશ્વાસ દર્શાવે છે. જો આ અફવાઓ માનીએ તો કાર્તિક આર્યને ત્રીજા ભાગની રિલીઝ પહેલાં જ ચોથો ભાગ સાઇન કરી લીધો છે, જે રૂહ બાબા તરીકે જોવા મળશે.
આમ આ વાત કાર્તિકમાં મેકર્સનો વિશ્વાસ પણ દર્શાવે છે. સાથે જ દર્શકોએ બે સળગતાં પ્રશ્ન ઉઠાવ્યા છે. હવે આવનારા ભાગમાં મંજુલિકા કોણ હશે અને કાર્તિકની પ્રેમિકા કોણ બનશે? ‘ભૂલભુલૈયા ૨’માં તબુએ અંજુલિકા અને મંજુલિકાના બંને રોલ કર્યા હતાં, જ્યારે કિઆરા અડવાણી કાર્તિકની પ્રેમિકા બની હતી. તો આ વખતે હવે ‘ભૂલભુલૈયા ૩’માં હવે વિદ્યા બાલન અને માધુરી દિક્ષિત મંજુલિકાના રોલમાં હશે, જેની સાથે રુહ બાબા ટક્કર લેવાના છે. નવી એન્ટ્રીમાં આ વખતે તૃપ્તિ ડિમરી કાર્તિકની પ્રેમિકા તરીકે જોવા મળશે. આ કાસ્ટ અને જકડી રાખતી સ્ટોરી સાથે ફિલ્મ બ્લોકબસ્ટર હોવાનો મેકર્સનો વિશ્વાસ પણ દર્શકોને ફિલ્મ જોવા જવા માટે પ્રોત્સાહન આપશે. ss1
