અમદાવાદમાં  યોજાશે એક દિવસીય ધ ગ્રાન્ડ રાખી મેળા

આત્મનિર્ભર ગૃપના મહિલા અગ્રણી સુ.શ્રી. સોફિયા ખેરિચાએ અને પ્રજા ઇવેન્ટસના શ્રી પ્રજા (પ્રકાશ જાડાવાલા) એ મહિલાઓના સશક્તિકરણ માટે અને મહિલાઓ પોતે આત્મનિર્ભર બને તે હેતુથી આગામી તા.૧૬ જુલાઈ, ૨૦૨૧ શુક્રવાર ના રોજ સવારે ૧૧.૦૦ થી સાંજે ૭.૦૦ સુધી મોરાઈઝ, ગુલમહોર મોલ, ઇસ્કોન ચાર રસ્તા પાસે, સેટેલાઈટ, અમદાવાદ ખાતે ધ ગ્રાન્ડ રાખી મેળા નું આયોજન કર્યુ છે.

આ રાખી મેળા માં આત્મનિર્ભર ગ્રુપની બહેનો દ્વારા વિવિધ રંગની, વિવિધ ડિઝાઇનની કલાત્મક રાખડીઓના  પ્રદર્શન અને સ્ટોલ રાખવામાં આવેલ છે.આ ઉપરાંત બહેનો માટે ઉપયોગી એવી બ્યુટી ટિપ્સ, મેકઅપ પ્રોડક્ટ્સ, હેલ્થ પ્રોડક્ટ્સ, જ્વેલરી, એકસેસરીઝ, ફૂડ પ્રોડક્ટ્સ, હોમ એપ્લ્યાયન્સીસ, ફેશન પ્રોડક્ટ્સ અને બીજી ઘણી બધી પ્રોડક્ટ્સ ના સ્ટોલ્સ આ રાખી મેળા માં રાખવામાં આવેલ છે.