અમિત શાહે પત્નીની સાથે જોઈ ફિલ્મ સમ્રાટ પૃથ્વીરાજ

મુંબઈ, એક્ટર અક્ષય કુમારની ફિલ્મ સમ્રાટ પૃથ્વીરાજ તારીખ ૩ જૂનના દિવસે રિલીઝ થઈ હતી. બુધવારે દિલ્હીમાં સમ્રાટ પૃથ્વીરાજના સ્પેશિયલ સ્ક્રીનિંગનું આયોજન કરાયું હતું.

જ્યાં કેન્દ્રિય ગૃહમંત્રી અમિત શાહ, પત્ની સોનલ સાથે સમ્રાટ પૃથ્વીરાજના ફિલ્મ સ્ક્રીનિંગમાં પહોંચ્યા હતા. ગૃહમંત્રી અમિત શાહ સમ્રાટ પૃથ્વીરાજ જાેઈને ખુશ થયા હતા અને ફિલ્મની ટીમને શુભેચ્છાઓ પાઠવી હતી. જ્યારે સમ્રાટ પૃથ્વીરાજ’ જાેઈને જવાનું થયું ત્યારે અમિત શાહે પત્ની સોનલને કહ્યું હતું કે ચલિયે હુકુમ.

કેન્દ્રિય ગૃહમંત્રી અમિત શાહે સમ્રાટ પૃથ્વીરાજ જાેયા બાદ ફિલ્મની પ્રશંસા કરતા કહ્યું હતું કે ૧૩ વર્ષ પછી પરિવાર સાથે થિયેટરમાં ફિલ્મ જાેઈ છે. તેમણે વધુમાં જણાવ્યું કે ભારત સદીઓથી બહારના આક્રમણ સામે લડી રહ્યું છે. જેઓ મહિલાના અધિકારોનું સમર્થન કરે છે તેમણે આ ફિલ્મ સમ્રાટ પૃથ્વીરાજ ચોક્કસ જાેવી જાેઈએ.

આ ફિલ્મ ભારતના અંતિમ હિન્દુ સમ્રાટ પૃથ્વીરાજ ચૌહાણના જીવન અને તેમની વીરતાની સ્ટોરી પર આધારિત છે. ફિલ્મમાં અક્ષય કુમારે પૃથ્વીરાજ ચૌહાણની ભૂમિકા ભજવી છે. અક્ષય સિવાય આ ફિલ્મમાં સંજય દત્ત, સોનુ સૂદ, માનવ વિજ અને આશુતોષ રાણા મુખ્ય ભૂમિકાઓમાં છે.

આ ફિલ્મથી મિસ વર્લ્ડ માનુષી છિલ્લર બોલિવૂડમાં એન્ટ્રી કરવા જઈ રહી છે. ફિલ્મને ડોક્ટર ચંદ્રપ્રકાશ દ્વિવેદીએ લખી છે અને ડાયરેક્ટ પણ કરી છે. ટ્રેલરના પ્રથમ જ સીનમાં અક્ષય કુમાર પૃથ્વીરાજ ચૌહાણના અંદાજમાં દેખાઈ રહ્યો છે.

અક્ષય સિવાય ફિલ્મમાં સોનુ સૂદે ચંદ બરદાઈનું પાત્ર ભજવ્યું છે, માનુષી છિલ્લરે રાજકુમારી સંયોગિતા અને માનવ વિજે ભારત પર હુમલો કરનાર સુલ્તાન મોહમ્મદ ઘોરીનું પાત્ર ભજવ્યું છે. યશરાજ પ્રોડક્શન્સના બેનર હેઠળ બનેલી આ ફિલ્મ ૩ જૂન, ૨૦૨૨ના રોજ સિનેમાઘરોમાં રીલિઝ થવાની છે.

આ ફિલ્મ બનાવવા માટે ડોક્ટર ચંદ્રપ્રકાશ દ્વિવેદી પાછલા ૧૮ વર્ષથી રિસર્ચ કરી રહ્યા હતા. જાે આ વાત સાચી છે તો ફિલ્મ ઐતિહાસિક તથ્યો સાથે ન્યાય કરશે. ડોક્ટર દ્વિવેદી આ પહેલા દૂરદર્શન માટે ચાણક્ય જેવી સફળ સીરિયલ બનાવી ચૂક્યા છે.

ફિલ્મમાં ઈતિહાસના તથ્યો કેવી રીતે રજૂ કરવામાં આવ્યા છે તે ફિલ્મની રીલિઝ પછી જ ખબર પડશે. ટ્રેલર જાેઈને એટલી વાત તો સામે આવી છે કે ડોક્ટર દ્વિવેદી અને યશરાજ બેનર્સે આ ફિલ્મ પાછળ ઘણાં પૈસા ખર્ચ કર્યા છે.SS1MS