અમેરિકાએ કાબુલ એરપોર્ટને પોતાના હસ્તક લીધું
કાબુલ એરપોર્ટ પર ફાયરિંગ બાદ નાસભાગ થઈ ગઈ-
૬,૦૦૦ સૈનિકો ઉતારવાની તૈયારી કરી લીધી છે
કાબુલ, અફઘાનિસ્તાન પર તાલિબાનોના કબ્જા બાદ કાબુલમાં પરિસ્થિતિ વણસી છે. અફઘનિસ્તાનમાંથી નીકળવાનો એકમાત્ર રસ્તો કાબુલ એરપોર્ટ છે. પરંતુ આજે ત્યાં પણ ફાયરિંગ બાદ સ્થિતિ બગડી છે. ફાયરિંગ બાદ કાબૂલ એરપોર્ટ પર નાસભાગ થતાં ઘણાં લોકો ઘાયલ થયા હોવાના અહેવાલ છે.
હાલ અમેરિકાએ કાબુલ એરપોર્ટને પોતાના હસ્તક લીધું છે અને ૬,૦૦૦ સૈનિકો ઉતારવાની તૈયારી કરી લીધી છે. આજે ભારતની અધ્યક્ષતામાં યુએનએસસીની બેઠક યોજાવાની છે. ફાયરિંગ બાદ કાબુલ એરપોર્ટ પર અફરાતફરીનો માહોલ છે. લોકો જીવ બચાવા માટે આમ-તેમ દોડી રહ્યા છે.
My goddd !!! Where’s malala now??? All the feminists/ celebrities? Palestine supporters??
Show some standard yaar !!!
Have some shame you #Kabul #TalibanTakeover #KabulHasFallen #Afghanistan #AirIndia pic.twitter.com/S4tG3c8K40— Shubhi ???? (@shubhi78) August 16, 2021
આ નાસભાગમાં ઘણાં લોકો ઈજાગ્રસ્ત થયા હોવાના અહેવાલો પણ મળી રહ્યા છે. કાબુલ એરપોર્ટના વિડીયો સોશિયલ મીડિયા પર વાયરલ થઈ રહ્યા છે અને તે જાેતાં ત્યાંની ભયંકર સ્થિતિનો અંદાજાે લગાવી શકાય છે. અમેરિકા પોતાના દેશના નાગરિકોને અફઘાનિસ્તાનમાંથી બહાર કાઢવામાં જાેડાઈ ગયું છે.
કાબુલ એરપોર્ટ પર હાલત બગડતાં અમેરિકાએ એરપોર્ટને પોતાના કબ્જામાં લઈ લીધું છે. અમેરિકી વિદેશ મંત્રાલય અને રક્ષા મંત્રાલય તરફથી જાણવા મળ્યું છે કે, કાબુલમાં હામિદ કરજઈ હવાઈ મથકને સુરક્ષિત કરવા માટે ઘણાં પગલાં ઉઠાવાઈ રહ્યા છે. અમેરિકા સંપૂર્ણપણે એર ટ્રાફિક કંટ્રોલને સંભાળી લેશે. સુરક્ષા બળ વધારવા માટે આગામી ૪૮ કલાકમાં ૬,૦૦૦ સૈનિકો ઉતારવામાં આવશે. રેસ્ક્યૂ મિશન ચાલી રહ્યું છે.
અફઘાનિસ્તાનમાં પરિસ્થિતિ વણસતાં આજે સવારે ૧૦ વાગ્યે સંયુક્ત રાષ્ટ્ર સુરક્ષા પરિષદની એક બેઠક યોજાવાની છે. ભારતના અધ્યક્ષસ્થાને બેઠક યોજાવાની છે. અગાઉ પણ સંયુક્ત રાષ્ટ્રએ અફઘાનિસ્તાનની પરિસ્થિતિને લઈને ચિંતા વ્યક્ત કરી હતી. તાલિબાવને બગરામ એરબેઝ પર કબ્જાે કરી લીધો છે.
કહેવાઈ રહ્યું છે કે, આ એરબેસની સુરક્ષામાં તૈનાત અફઘાન સેનાએ તાલિબાનના આતંકીઓ સામે સરેન્ડર કરી દીધું છે. આ એરબેસ પર મોટી સંખ્યામાં કેદીઓને રાખવામાં આવ્યા છે. એક સમયે આ એરબેસ અફઘાનિસ્તાનમાં અમેરિકાની સૌથી મોટી સૈનિક છાવણી હતી.
ઉલ્લેખનીય છે કે, વર્ષ ૨૦૦૧થી જ તાલિબાન, અમેરિકા સમર્થિત અફઘાન સરકાર સાથે જંગ લડી રહ્યું છે. અફઘાનિસ્તાનમાં તાલિબાનનો ઉદય પણ અમેરિકાના પ્રભાવના કારણે જ થયો હતો. જ્યારે હવે તે તાલિબાન, અમેરિકા માટે માથાનો દુઃખાનો બન્યું છે. અફઘાનિસ્તાનમાં તાલિબાનના મૂળિયા એટલા મજબૂત છે કે અમેરિકાના નેતૃત્વમાં ઘણાં દેશોની સેના ઉતર્યા બાદ પણ તેનો ખાત્મો થઈ શક્યો નથી. તાલિબાનનો મુખ્ય ઉદ્દેશ અફઘાનિસ્તાનમાં ઈસ્લામિક અમીરાતની સ્થાપના કરવાનો છે.
