અમેરિકામાં વાવઝોડાના લીધે એમઝોનના ૬ કર્મચારીઓનાં મોત

વોશિગ્ટન, અમેરિકામાં કુદરતે તબાહી મચાવી છે. અમેરિકાના છ રાજ્યોમાં તોફાનના કારણે ભારે તબાહી થઈ છે. એમેઝોન વેરહાઉસ પણ વાવાઝોડાની ઝપેટમાં આવી ગયું. ભયાનક વાવાઝોડાને કારણે એમેઝોન વેરહાઉસની છત તૂટી પડી હતી જેમાં ૬ કર્મચારીઓના મોત થયા હતા. એમેઝોનના ચીફ જેફ બેઝોસે આ અકસ્માત પર ઊંડું દુઃખ વ્યક્ત કર્યું છે. અમેરિકામાં તોફાનના કારણે ૧૦૦ થી વધુ લોકોના મોત થયા છે.

એમેઝોનના ચીફ જેફ બેઝોસે તોફાનને કારણે સર્જાયેલી દુર્ઘટના પર શોક વ્યક્ત કરતા કહ્યું કે એડવર્ડસવિલેના સમાચાર ખૂબ જ દુઃખદ છે. અમે અમારા સાથીઓની ખોટથી ખૂબ જ દુઃખી છીએ. અમારી સંવેદના મૃતકોના પરિવારજનો અને સંબંધીઓ સાથે છે.

એમેઝોનના વડાએ જણાવ્યું હતું કે શનિવારે જ્યારે અમેરિકી રાજ્ય ઇલિનોઇસમાં એક એમેઝોન વેરહાઉસ વાવાઝોડાથી અથડાયું હતું જેમાં ઓછામાં ઓછા છ લોકો માર્યા ગયા હતા.એવું માનવામાં આવે છે કે વેરહાઉસ ધરાશાયી થવાને કારણે ક્રિસમસ પહેલા નાઇટ શિફ્ટમાં કામ કરતા ૧૦૦ એમેઝોન કર્મચારીઓ ફસાયા હતા.

જેમાંથી ૬ લોકોના મોત થયા છે જ્યારે ઘણા લોકો ઘાયલ હોવાનું કહેવાય છે. શનિવારે, એડવર્ડ્‌સવિલે ફાયર ચીફ જેમ્સ વ્હાઇટફોર્ડે જણાવ્યું હતું કે વધુ લોકોને ઇમારતમાંથી બહાર કાઢવામાં આવ્યા છે, જ્યારે અકસ્માતમાં ઓછામાં ઓછા છ લોકો માર્યા ગયા હતા.

અમેરિકાના પાંચ રાજ્યોમાં રાતોરાત ડઝનેક વિનાશક ટોર્નેડોમાં ૧૦૦ થી વધુ લોકોએ જીવ ગુમાવ્યા. અમેરિકી રાષ્ટ્રપતિ જાે બિડેને કહ્યું કે આ ઈતિહાસના સૌથી મોટા વાવાઝોડામાંથી એક છે. તે આપત્તિ છે. કેન્ટુકીને સૌથી વધુ નુકસાન થયું છે. કેન્ટુકીના ગવર્નર એન્ડી બેશિયરે રાજ્યના ઈતિહાસનું સૌથી ભયાનક તોફાન ગણાવ્યું છે. હાલમાં, કેન્ટુકીમાં કટોકટીની સ્થિતિ જાહેર કરવામાં આવી છે. ઘણી જગ્યાએ રાહત અને બચાવ કાર્ય હજુ પણ ચાલુ છે.HS