અલી ગોનીના પ્રેમમાં હોવાની વાત જાસ્મીન ભસીને સ્વીકારી

મુંબઈ: બિગ બોસના ઘરમાં ૧૦૦ દિવસ રહ્યા બાદ જાસ્મીન ભસીન ૧૦મી જાન્યુઆરીએ આઉટ થઈ ગઈ. પરંતુ દિલ સે દિલ તકની આ એક્ટ્રેસનું કહેવું છે કે, તે ખુશ છે કારણ કે બેસ્ટફ્રેન્ડમાંથી તેનો બોયફ્રેન્ડ બનેલો અલી ગોની હજુ ઘરમાં છે. હું બહાર થતાં ખૂબ દુઃખી હતી, તે આઘાતજનક હતું.

પરંતુ હું બાદમાં અલી માટે ખુશ થઈ. તે ત્યાં રહે તેમ હું ઈચ્છું છું. તેણે એકવાર મારા માટે શો છોડ્યો હતો. તે ફરી આવું કરે તેમ હું ઈચ્છતી નથી. હું તેને ખરેખર મિસ કરીશ. હું રોજ સવારે ઊઠીને સૌથી પહેલા તેને જાેતી હતી, હવે હું તે મિસ કરીશ. શો છોડ્યા બાદ તરત જાસ્મીને પોતાના ઘરે જવાના બદલે, તેના મિત્રો ભારતી સિંહ અને હર્ષ લિંબાચિયાની મુલાકાત લીધી હતી. ‘બિગ બોસનું ઘર છોડ્યા બાદ, મને ઘણા બધા વિચારો આવ્યા હતા.

હું નહોતી જાણતી કે બહાર લોકો મારા વિશે શું વિચારતા હશે. તેથી હું થોડી નર્વસ હતી અને પહેલા ભારતી-હર્ષના ઘરે જવાનું નક્કી કર્યું હતું. તેઓ મારી સપોર્ટ સિસ્ટમ છે. તેમને મળ્યા બાદ મને હળવાશ લાગી, પછી મેં છોલે ભટૂરે ખાધા અને મટન બિરયાની પણ, તેમ તેણે કહ્યું.

જ્યારે જાસ્મીનના માતા-પિતા ફેમિલી વીક દરમિયાન બિગ બોસના ઘરમાં આવ્યા હતા ત્યારે તેમણે તેને ગેમ પર વધારે ધ્યાન આપવું કહ્યું હતું. તેમણે તેને એકલા ગેમ રમવાનું કહ્યું હતું. જેના કારણે અલીને થોડું ખરાબ લાગ્યું હતું. ‘મારા માતા-પિતાએ મને ગેમ પર ફોકસ કરવાનું કહ્યું હતું. તેમણે જે કહ્યું તે ગેમ માટે કહ્યું. મારા પેરેન્ટ્‌સને અમારા રિલેશનશિપ સામે વાંધો કેમ હોય? મેં તેમની સાથે ચર્ચા કરી હતી અને તેઓ ખૂબ ખુશ છે.

તેમ જાસ્મીને કહ્યું. તેણે ઉમેર્યું કે, હું પ્રેમમાં પડી છું અને આ સુંદર લાગણી છે. જાે મારા માતા-પિતાને તકલીફ ન હોય તો મને આ વર્ષે લગ્ન કરવામાં કોઈ વાંધો નથી. એકવાર અલી બહાર આવે પછી મારા પેરેન્ટ્‌સ તેના પેરેન્ટ્‌સને મળવા જશે. તેના માતા-પિતા શું કહે છે તે અમારે જાણવાની જરૂર છે. હું તેમને પહેલા મળી હતી, પરંતુ ત્યારે અમે માત્ર મિત્રો હતા. એકવાર તેઓ મંજૂરી આપી દે પછી હું રાહ નહીં જાેઉ. હું પરણી જઈશ. અલી જ મારો સપનાનો રાજકુમાર છે. ઘરમાં જાસ્મીન અને રાખી સાવંત વચ્ચે ઘણીવાર ઝઘડા થયા હતા. આ વિશે વાત કરતાં એક્ટ્રેસે કહ્યું કે, ‘મારું હજું પણ માનવું છે કે મેં તેને દુઃખ પહોંચાડ્યું નથી.

તેણે ઘણીવાર તેનું માથું ટેબલ પર પછાડ્યું હતું અને પોતાને ઈજાગ્રસ્ત કરી હતી. જાે આ મારે કારણે થયું હતું તો હું માફી માગુ છું. હું ઈરાદાપૂર્વક તેને દુઃખ આપવા નહોતી માગતી. મેં તેની પણ માફી માગી છે.

પ્રામાણિકતાથી કહું તો, તેની સાથે રહેવું સરળ નથી. જ્યારે તમે ઈન્ટરનેટ પર તેના વીડિયો જુઓ અથવા ૧ કલાક તેને શોમાં જુઓ ત્યારે તે ફની લાગે છે. પરંતુ તેની સાથે રહેવું તે સરળ નથી. તે કંટાળાજનક છે. દરેક વાત પર ડ્રામા કરે છે. મને તેનું વ્યક્તિત્વ પસંદ નથી અને તેની ગેમને હું વખોડું છું.