આજે જે કંઈ પણ છું તેનો શ્રેય માતાને જાય છેઃ કમલા હેરિસ

ન્યુયોર્ક, અમેરિકાના ઈતિહાસમાં કમલા હેરિસ ઉપરાષ્ટ્રપતિ તરીકે શપણ ગ્રહણ કરનાર સૌપ્રથમ મહિલા બન્યા છે. કમલા હેરિસે આ અભૂતપૂર્વ પ્રસંગે પોતાના ભારતીય માતાને યાદ કરી તેઓ આજે જે કંઈ પણ બની શક્યા છે તેનો શ્રેય તેમની માતાને આપ્યો હતો. કમલા હેરિસે કહ્યું કે, મારી માતાએ મારામાં વિશ્વાસ વ્યક્ત કર્યો અને હંમેશા તેમની બે દીકરીઓને યાદ કરાવતા હતા કે આપણે પ્રથમ હોઈ શકીએ છીએ પરંતુ આપણે અંતિમ ના હોઈ શકીએ.

કમલા હેરિસે તેમના સ્વર્ગસ્થ માતા અને કેન્સર સંશોધક તેમજ નાગરિક અધિકાર કાર્યકર્તા શ્યામલા ગોપાલનને યાદ કરતા કહ્યું હતું કે તેમણે ભણાવેલા પાઠ તેઓએ હંમેશા જીવનમાં આત્મસાત કર્યા છે અને તેમની કારકિર્દીમાં હંમેશા તેઓ તેને અનુસરે પણ છે. કમલા હેરિસ સૌપ્રથમ સાન ફ્રાન્સિસ્કોના પ્રથમ મહિલા ડિસ્ટ્રિક્ટ એટોર્ની પદે રહ્યા હતા ત્યારબાદ કેલિફોર્નિયાના પ્રથમ મહિલા એટોર્ની જનરલ અને યુએસ સેનેટમાં કેલિફોર્નિયાનું પ્રતિનિધિત્વ કરનાર સૌપ્રથમ અશ્વેત મહિલા રહ્યા હતા.

૫૬ વર્ષીય હેરિસે બુધવારે અમેરિકાના સૌપ્રથમ મહિલા ઉપરાષ્ટ્રપતિ પદે શપથ ગ્રહણ કરીને ઈતિહાસ રચ્યો હતો. તેઓ ઉરાષ્ટ્રપતિની ગાદી પર બિરાજમાન થયેલા સૌપ્રથમ મહિલા ઉપરાંત સૌપ્રથમ અશ્વેત અને પ્રથમ દક્ષિણ એશિયન અમેરિકન મહિલા છે.

તેમણે યાદગાર સ્પીચ આપતા કહ્યું કે, મારી વાત એ કરોડો અમેરિકન્સની વાત છે. મારા માતા શ્યામલા ગોપાલન ભારતથી અમેરિકા સ્થાયી થયા હતા. તેમણે મને તેમજ મારી બહેન માયાનો ઉછેર કર્યો અને તેમણે હંમેશા શીખવ્યું કે, આપણે સૌપ્રથમ હોઈ શકીએ પરંતુ ક્યારેય સૌથી અંતિમ ના હોઈ શકીએ. તેમણએ આ વાત રાષ્ટ્રપતિ ઉદ્‌ઘાટન સમિતિના સત્તાવાર એશિયન અમેરિકના ઉદ્‌ઘાટન સમારંભમાં જણાવી હતી. તમે (માતા) મારામાં વિશ્વાસ જાળવી રાખ્યો અને મને આ ક્ષણ સુધી પહોંચાડી છે.

અમેરિકાના રાષ્ટ્રપતિ ચૂંટણી અભિયાનમાં એશિયન અમેરિકનોનો નોંધપાત્ર ફાળો રહ્યો હતો. કમલા હેરિલે ઈમ્પેક્ટ અને રન એએપીઆઈ સંસ્થાનો પણ આભાર વ્યક્ત કર્યો હતો. હેરિસે વધુમાં જણાવ્યું કે જ્યારે તેમણે ઉપરાષ્ટ્રપતિ પદની દાવેદારી કરવાનું સ્વીકાર્યું ત્યારે તેમણે પૂરા સમર્પણ અને એક મજબૂત વિઝન સાથે જવાબદારી સ્વીકારી હતી. તેમણે અમેરિકાને વધુ મજબૂત કરવા અને તમામ નાગરિકોને સમાન તક પુરી પાડવાના ઈરાદાથી તે કર્યું હતું.

ઉલ્લેખનીય છે કે જાે બિડેન સાથે જાેડાયા તે અગાઉ કમલા હેરિસ પોતે રાષ્ટ્રપતિ બનવાની રેસમાં આગળ હોવાની ચર્ચા હતી પરંતુ આર્થિક કારણોસર તેઓએ રેસમાંથી ખસી જવું પડ્યું હતું. સેનેટમાં રહેલા ત્રણ એશિયન અમેરિકન પૈકી તેઓ એક છે અને તેઓ ઉપલા ગૃહમાં જનાર એકમાત્ર ભારતીય અમેરિકન મહિલા છે. ઓબામાના કાર્યકાળમાં તેમને મહિલા ઓબામા કહીને લોકો સંબોધતા હતા.

હેરિસે બીજવર ડગલસ ઈમહોફ સાથે છ વર્ષ પૂર્વે લગ્ન કર્યા છે અને તેમના પતિ પણ અમેરિકાના ફર્સ્‌ટ વાઈસ જેન્ટલમેન બન્યા છે. ડગલસને પૂર્વ પત્નીથી બે બાળકો પણ છે. કમલા હેરિસ ઉપરાષ્ટ્રપતિ પદના શપથ લીધે તે પૂર્વે તેમણે પોતાની માતાને યાદ કરતો એક વીડિયો પણ શેર કર્યો હતો. હેરિસના મતે તેમની માતાએ જ ભારતથી અમેરિકા આવીને આ સ્વપ્નને સાકાર કરવાનો પાયો નાંખ્યો હતો. હું આ પળે જે કંઈ પણ છું તેનો સંપૂર્ણ શ્રેય મારી માતાને જાય છે જેઓ સદાય અમારા હ્રદયમાં છે તેમ હેરિસે જણાવ્યું હતું.SSS