આદિત્ય નારાયણ પત્ની શ્વેતા સાથે ફરી વેકેશન પર
મુંબઈ: ટીવી ઈન્ડસ્ટ્રીના ક્યૂટ કપલમાંથી એક આદિત્ય નારાયણ અને શ્વેતા અગ્રવાલ હાલ રિલેક્સ મોડમાં છે. બંને છેલ્લા બે દિવસથી વિવેદા વેલનેસ વિલેજમાં વેકેશન માણી રહ્યા છે અને ત્યાંથી સુંદર તસવીરો પણ શેર કરી રહ્યા છે. આદિત્યએ શ્વેતા અગ્રવાલની એક તસવીર શેર કરી છે.
જેમાં તે લૉન એરિયામાં આરામથી બેઠેલી જાેવા મળી રહી છે. આ સાથે તેણે લખ્યું છે કે, હેલ્લો બ્યૂટિફૂલ. આ સિવાય આદિત્ય નારાયણે પોતાની પણ એક તસવીર શેર કરી છે. જેમાં તે ડેનિમ અને પીળા ટી-શર્ટમાં જાેવા મળી રહ્યો છે. આ સાથે તેણે લખ્યું છે કે, ‘પ્રકૃતિ તમારા મગજ, શરીર અને આત્માને શાંત કરે છે’. જેના પર કોમેન્ટ કરતાં શ્વેતાએ લખ્યું છે કે, હાઈ હેન્ડસમ. આદિત્ય નારાયણે ઈન્સ્ટાગ્રામ સ્ટોરીમાં ઢગલો તસવીરો શેર કરી છે.
જેમાંથી એક તસવીરમાં તે ચીલ કરતો અને બીજીમાં બાથરોબ સાથે જાેવા મળ્યો છે. આ સિવાય તે અને તેની પત્ની રૂમની બહાર રાખેલા બાથટબમાં એન્જાેય કરી રહ્યા હોય તેવી પણ સેલ્ફી શેર કરી છે. જેમાં શ્વેતા બ્લેક બિકીનીમાં જાેવા મળી રહી છે. ૧૦ વર્ષના રિલેશનશિપ બાદ આદિત્ય નારાયણ અને શ્વેતા અગ્રવાલે લગ્ન કરવાનું નક્કી કર્યું હતું.
બંનેએ ગયા વર્ષની પહેલી ડિસેમ્બરે લગ્ન કર્યા હતા અને બીજી ડિસેમ્બરે ભવ્ય રિસેપ્શન યોજયું હતું. લગ્ન થયા ત્યારથી આદિત્ય અને શ્વેતા નાનકડા વેકેશન પર જઈને એકબીજાને પૂરતો સમય આપી રહ્યા છે. લગ્ન બાદ તેઓ તરત જ હનીમૂન માટે કાશ્મીર ગયા હતા. જ્યાં સ્કિંઈંથી લઈને ત્યાંના લોકલ ફૂડની મજા માણી હતી. બાદમાં ઉત્તરાયણ પહેલા કપલ નાસિક સ્થિત ‘સૂલા વાઈનયાર્ડ’માં પહોંચ્યા હતા. જ્યાં તેઓ થોડા દિવસ રહ્યા હતા અને અલગ-અલગ પ્રકારની વાઈનની મજા માણી હતી.
