આમોદની SBI બેંકમાં કર્મચારીઓનું ઉદ્ધતાઈ ભર્યું વર્તન

આમોદની એસ.બી.આઈ બેંકમાં કર્મચારીઓનું ગ્રાહકો સાથે ઉદ્ધતાઈ ભર્યું વર્તન : કાયમ માટે ઈન્ટરનેટ કનેક્ટિવિટીનો રહેતો પ્રશ્ન.

બેન્ક કર્મચારીની ધીમી ગતિની કામગીરીથી કલાકો સુધી ગ્રાહકોએ લાઈનમાં ઉભા રહેવું પડે છે : બેંકમાં એક જ કેશિયર હોવાથી ગ્રાહકોને હાલાકી.

 (વિરલ રાણા) ભરૂચ,
આમોદ નગરમાં આવેલી રાષ્ટ્રીયકૃત સ્ટેટ બેંક ઓફ ઇન્ડિયામાં ગ્રાહકોને કર્મચારીની ધીમી ગતિની કામગીરીથી હાલાકી ભોગવવી પડે છે.જે બાબતે આમોદ નગર તેમજ તાલુકામાં આવેલા અનેક બેંક ખાતેદારોમાં કર્મચારી સામે રોષ ભરાયો છે.આજરોજ આમોદમાં આવેલી સ્ટેટ બેન્ક ઓફ ઈન્ડિયા બેંકમાં સવારથી જ ગ્રાહકોની લાંબી કતારો લાગી હતી.તેમજ બેંકમાં એક જ કેશિયર હોવાથી પણ ગ્રાહકોને હાલાકી ભોગવવી પડે છે.આ બાબતે આમોદ નગરના અનેક જાગૃત નાગરિકોએ બેન્ક મેનેજરને રજુઆત કરી હોવા છતાં કોઈ પરિણામ મળતું નથી.સ્ટેટ બેન્ક ઓફ ઈન્ડિયામાં એક જ કેશિયર છે.જે ખૂબ જ ધીમી ગતિથી કામગીરી કરતા હોય ગ્રાહકોએ કલાકો સુધી લાઈનમાં ઉભા રહેવું પડે છે.તેમજ જો કોઈ ગ્રાહક રજુઆત કરે તો બેન્ક કર્મચારી ગ્રાહકો સાથે ઉદ્ધતાઈ ભર્યું વર્તન કરી ગ્રાહકો સાથે બીભત્સ ભાષાનો ઉપયોગ કરે છે.આ બાબતે કરેણાં ગામના ઉમેશભાઈ પટેલે જણાવ્યું હતું કે આમોદમાં આવેલી સ્ટેટ બેન્ક ઓફ ઈન્ડિયા શાખામાં કાયમ માટે કનેક્ટિવિટીનો પ્રોબ્લેમ રહે છે.કેશિયર ઘણી જ ધીમી ગતિથી કામગીરી કરતો હોય બેન્ક ખાતેદારોને કલાકો સુધી લાઈનમાં ઉભા રહેવું પડે છે.અને કેશિયર ગ્રાહકો સાથે ઉદ્ધતાઈભર્યું વર્તન કરે છે.આ બાબતે બેન્ક મેનેજરનો રૂબરૂ સંપર્ક કરતાં તેમણે કંઈ પણ કહેવાનો ઈન્કાર કર્યો હતો.