આયશાના મોતના આઘાતમાં બહેનને બ્રેઈન સ્ટ્રોક આવ્યો
આયેશા, આરીફ
આરોપી પતિ આરીફને ત્રણ દિવસના રિમાન્ડ, મોબાઈલ મેળવવા માટે અમદાવાદ પોલીસની ટીમ રાજસ્થાન જશે
અમદાવાદ, પોતાની વ્હાલસોયી દીકરી આયશાને ગુમાવ્યા બાદ લાગે છે કે મકરાણી પરિવારને લાગેલો આઘાત ઓછું થવાનું નામ નથી લઈ રહ્યો. હજુ તો આયશાની કબર પરના ફૂલ કરમાયા પણ નથી ત્યાં તેની એક બહેનને માનસિક આઘાતના કારણે બ્રેઇન સ્ટ્રોક આવતા હોસ્પિટલમાં દાખલ કરવી પડી છે.
થોડા દિવસો પહેલા શહેરમાં સાબરમતી રિવરફ્રન્ટ પરથી કૂદીને આપઘાત કરનાર આયશા કેસમાં આરોપી પતિની ધરપકડ બાદ હવે આરોપી ત્રણ દિવસના પોલીસ રિમાન્ડ પર મોકલાયો છે. ત્યારે આયશાના પિતાએ આક્ષેપ કર્યો કે, આરીફ આયશા સાથે ગર્ભધારણ અંગે ઝગડા કરતો હતો.
https://westerntimesnews.in/news/107111
આ માટે આરીફ આયશાનું આ બાળક અન્ય વ્યક્તિથી હોવાનો પણ આક્ષેપ કરતો રહેતો હતો. આ બધાના કારણે આયશાએ અંતિમ પગલું ભરી લીધા બાદ તેના આઘાતમાં આયશાની એક બહેનની તબિયત લથડી અને બ્રેઇન સ્ટ્રોક આવતા તેને હૉસ્પિટલ ખસેડાઇ હોવાનું આ કેસમાં મદદ કરનાર મયૂદ્દીન ભાઈ અને વકીલે જણાવ્યું છે.
વટવા વિસ્તારમાં રહેતી અને રાજસ્થાનના ઝાલોર ખાતે પરણેલી આયશાએ પતિ અને તેના સાસરિયાઓના ત્રાસથી સાબરમતી નદીમાં કૂદી આપઘાત કરી લીધો હતો. સાબરમતી રિવરફ્રન્ટ વેસ્ટ પોલીસે આરોપી પતિ આરીફની રાજસ્થાનના પાલીથી ધરપકડ કરી હતી. પોલીસે આરીફને આજે મેટ્રો કોર્ટમાં રજૂ કર્યો.
https://westerntimesnews.in/news/107512
આરીફને કોર્ટમાં રજૂ કરવાના હતા એ પહેલાં આયશાને ન્યાય મળે તેના માટે આયશાના પિતા સવારે આયશાની કબર પર દુઆ માગીને આવ્યા હતા. ફરિયાદી આયશાના પિતાના વકીલ ઝફરખાન પઠાણના જણાવ્યા મુજબ, આયશા અને આરીફ વચ્ચે છેલ્લે જે ૭૦થી ૭૨ મિનિટની વાત થઈ હતી. તેમાં છેલ્લી દસ મિનિટની વાતચીતમાં આયશાના ગર્ભમાં રહેલું બાળક આરીફનું નહીં પરંતુ આસિફનું હોવાનું કહે છે અને તેને લઇ આરીફ અને તેના સાસરિયાઓ આયશાને હેરાન તેમજ મારઝૂડ કરતા હતા.
આયશાની કબ્રના ફૂલ મુરઝાયા નથી ત્યાં મોટી બહેનને આઘાતમાં બ્રેન સ્ટ્રોક આવ્યો હોવાની માહિતી મળી છે. આ બહેનને સેટેલાઇટ ખાતે એક હૉસ્પિટલમાં ખસેડી હોવાનું આયશાના પિતાને મદદ કરનાર મયૂદ્દીન ભાઈએ જણાવ્યું છે. નાની બહેનને ગુમાવવાના દુઃખમાંથી પરિવાર હજી બહાર નથી આવ્યો ત્યાં એક મોટી બહેનને હૉસ્પિટલમાં ખસેડવામાં આવી છે.
રિવરફ્રન્ટ વેસ્ટ પોલીસે આરોપી આરીફના પાંચ દિવસના રિમાન્ડની માગ કરી હતી. કોર્ટમાં પોલીસે રજુઆત કરી હતી કે, આરોપીનો ફોન રિકવર કરવાનો બાકી છે અને આપઘાત કર્યાના દિવસથી કોને કોને મળ્યો હતો, કોને કોને વીડિયો વાયરલ કર્યો હતો તે અંગે જાણકારી મેળવવાની છે. જેના માટે કોર્ટે, દલીલો ગ્રાહ્ય રાખી ત્રણ દિવસના રિમાન્ડ મંજુર કર્યા છે.
આ મામલે આગામી દિવસમાં કોર્ટમાં વધુ રિમાન્ડની પણ માંગ કરવામાં આવશે. કારણ કે, ફરિયાદમાં પોલીસે માત્ર આરીફનું નામ જ છે પરંતુ તેના સસરા, સાસુ અને નણંદે ભેગા મળી અને ત્રાસ આપ્યો હતો. અને આસિફ અને બાળક બાબતે ઝગડા કરી અન્ય આક્ષેપ પણ કરતો હતો.
ત્યારે હવે ફરી એક ટિમ રાજસ્થાન મોબાઈલ શોધવા જશે. સુત્રોનું માનીએ તો આરોપીએ ઘટના બાદ લોકોના ફોન અને મેસેજ આવતા તે કંટાળ્યો અને તેની બહેનના પાલી ખાતેના ઘરેથી કાર લઈને નીકળ્યો અને ફોન ફેંકી દીધો હોવાનું રટણ કરી રહ્યો છે. ત્યારે હવે ત્રણ દિવસની પૂછપરછમાં અનેક ખુલાસા સામે આવશે.
