ઇન્કમટેક્સ રિટર્ન ફાઇલ કરવાની અંતિમ તારીખ ૩૧

નવી દિલ્હી, આકારણી વર્ષ ૨૦૨૧-૨૨ માટે ઇન્કમટેક્સ રિટર્ન એટલે કે આઈટીઆર દાખલ કરવાની અંતિમ તારીખ ૩૧ ડિસેમ્બર છે. નાણા મંત્રાલયે રવિવારે માહિતી આપી છે કે નાણાકીય વર્ષ ૨૦૨૦-૨૧ માટે અત્યારસુધી ત્રણ કરોડથી વધારે લોકોએ IRT દાખલ કર્યું છે.

આ સાથે જ મંત્રાલયે અત્યારસુધી ઇન્કમટેક્સ રિટર્ન ફાઇલ ન કરનારા કરદાતાઓને ઝડપથી રિટર્ન ફાઇલ કરવાની અપીલ કરી છે. એક અધિકારિક નિવેદનમાં કહેવામાં આવ્યું છે કે, દરરોજ ઇન્કમટેક્સ રિટર્ન ફાઇલ કરનારા કરદાતાઓની સંખ્યા ચાર લાખને પાર થઈ ગઈ છે.

૩૧મી ડિસેમ્બર તારીખ નજીક આવતાની સાથે સંખ્યામાં વધારે થઈ રહ્યો છે. સરકાર તરફથી આપવામાં આવેલા જાણકારી પ્રમાણે નિર્ધારિત તારીખ પછી ઇન્કમટેક્સ ફાઇલ કરવા પર ૫૦૦૦ રૂપિયાનો દંડ થઈ શકે છે.

ઇન્કમટેક્સની કલમ ૨૩૪એફમાં તેનો ઉલ્લેખ કરવામાં આવ્યો છે. જાેકે, કરદાતાની આવક પાંચ લાખ રૂપિયાની અંદર હોય તો આ માટે ૧,૦૦૦ રૂપિયા દંડ પેટે ચૂકવવા પડશે. પાંચ લાખથી વધારે રકમ પર દંડની રકમ પણ વધી જાય છે.

ઈન્કમટેક્સ રિટર્ન ફાઇલ કરવા માટે તમે તમારે સીએની મદદ લઈ શકો છો. તમે ઇન્કમટેક્સની વેબસાઇટ incometax.gov.in પર પણ ઇન્કમટેક્સ રિટર્ન દાખલ કરી શકો છો. ગ્રાહકને લોન આપવા માટે બેન્ક ત્રણ વર્ષનું IRT માંગે છે. જાે તમે કાર અને ઘર ખરીદવાની અથવા પર્સનલ લોન લેવાનું વિચારી રહ્યા છો, તો ઈન્કમ ટેક્સ રિટર્નના ડોક્યુમેન્ટ્‌સ તમને લોન લેવા માટે ખૂબ જ ઉપયોગી થઈ શકે છે.

કોઈ પણ વ્યક્તિના વિઝા અપ્રુવ કરવા માટે મોટાભાગના દેશ ઈન્કમ ટેક્સ રિટર્નના ડોક્યુમેન્ટ્‌સની માંગ કરે છે. જાે કોઈ વ્યક્તિ ટેક્સ ચૂકવીને દેશને આગળ લઈ જવામાં મદદ કરે છે, તો તેને વિઝા મેળવવામાં સરળતા રહે છે. ઈન્કમ ટેક્સ રિટર્નના ડોક્યુમેન્ટ્‌સથી વિઝા પ્રોસેસિંગ અધિકારીઓને વિઝા મેળવનારની નાણાંકીય પરિસ્થિતિ અને આવકની જાણકારી મળે છે.

નિયોક્તા કર્મચારીઓને ફોર્મ ૧૬ આપે છે. ઈન્કમ ટેક્સ રિટર્નના ડોક્યુમેન્ટ્‌સ કોઈપણ વ્યક્તિના આવકનો પુરાવો છે. સ્વરોજગાર વ્યક્તિઓ માટે ઈન્કમ ટેક્સ રિટર્ન ડોક્યુમેન્ટ આવકના પુરાવા તરીકે કામ કરે છે.

નાણાંકીય વર્ષ દરમિયાન વ્યક્તિની આવક અને ખર્ચની માહિતી આપવામાં આવે છે. જાે વ્યક્તિ ઈન્કમ ટેક્સ રિટર્ન ફાઈલ કરે છે, તો સેવિંગ ઈન્સ્ટ્રૂમેન્ટ્‌સમાંથી થતી આવક પર ટેક્સ બચાવી શકાય છે અને ડિવિડન્ડની આવક પર ટેક્સ બચાવી શકાય છે. ઈન્કમ ટેક્સ રિટર્નના માધ્યમથી ટેક્સ આઉટગોનો દાવો કરી શકાય છે, કારણ કે ઉપકારનો ટેક્સ માટે દેણદાર છે.

જાે વિભિન્ન સ્ત્રોતથી પ્રાપ્ત થયેલ આવક રૂ. ૨,૫૦,૦૦૦થી અધિક છે, તો તેમાંથી કપાત થયેલ રકમ પરત મેળવી શકાય છે અને વ્યક્તિ ટેક્સ રિફંડ મેળવી શકે છે. જાેકે, તમે તેમાં એવી રીતે રોકાણ કરેલું હોવું જાેઈએ કે તમારી ચોખ્ખી વાર્ષિક આવક રૂ. ૨,૫૦,૦૦૦થી ઓછી હોય. કરદાતાએ નુકસાનનો દાવો કરવા માટે નિયત તારીખ પહેલા ટેક્સ રિટર્ન ફાઈલ કરવાનું રહે છે.

આ નુકસાન કેપિટલ ગેન, બિઝનેસ અથવા પ્રોફેશન રૂપે હોઈ શકે છે. ઈન્કમ ટેક્સ અસેસમેન્ટ ઓર્ડરનો એડ્રેસ પ્રૂફ તરીકે ઉપયોગ કરી શકાય છે. તેનો આધાર કાર્ડ માટે પણ ઉપયોગ કરી શકાય છે. તમામ જરૂરી ડોક્યુમેન્ટસની તપાસ કરવી.SSS