ઇશાન હિંગોરાણી યુએસ ઓપન ટીટીમાં ચમક્યો
ગાંધીધામ, ગુજરાતના ટોચના ક્રમાંકિત પુરૂષ ટીટી ખેલાડી ઇશાન હિંગોરાણી, યુએસએમાં તેના પ્રશિક્ષણ સમયગાળામાં આનંદ માણી રહ્યો છે કારણ કે કચ્છના આ યુવાને લાસ વેગાસમાં 2021 યુએસ ઓપન ટેબલ ટેનિસ ચેમ્પિયનશિપ U-2400 આરઆર પ્લેઓફ જીતી લીધી હતી જ્યારે એ જ ટુર્નામેન્ટમાં U-2600 RR પ્લેઓફમાં બીજા સ્થાને રહ્યો હતો.
U-2400 RR પ્લેઓફની ફાઇનલમાં ત્રીજા ક્રમાંકિત ઇશાને ચોથા ક્રમાંકિત પોલ ઝેન્યુ ક્વિને 11-9, 14-12, 6-11, 11-9થી હરાવી ટાઇટલ જીત્યું હતું.
દરમિયાન, U-2600 RR પ્લેઓફમાં, 14મા ક્રમાંકિત ઈશાને ઈવેન્ટમાં પ્રભાવશાળી પ્રદર્શન કર્યું હતું અને ફાઈનલમાં ટોચ ક્રમાંકિત તનુઈ ઝાંગ સામે 9-11, 9-11, 2-11થી હારનો સામનો કરવો પડ્યો હતો.
ઇશાનને તેના પ્રશંસનીય પ્રદર્શન બદલ અભિનંદન આપતા, જીએસટીટીએના પ્રમુખ શ્રી વિપુલ મિત્રા, આઈએએસ એ જણાવ્યું હતું કે, “અમારા યુવાનનું આ પ્રશંસનીય પ્રદર્શન છે. તેની પ્રતિભા ક્યારેય શંકામાં ન હતી અને આજે તેણે તે એક મોટા મંચમાં દેખાડી દીધું છે.”
“અમારા સ્ટાર પરફોર્મરને હાર્દિક અભિનંદન. તેનું U-2600 પ્રદર્શન હૃદયસ્પર્શી છે કારણ કે તેણે ફાઇનલમાં જવાના માર્ગે કેટલાક ઉચ્ચ ક્રમાંકિત ખેલાડીઓ સાથે સ્પર્ધા કરી અને હરાવ્યા પણ હતા.” જીએસટીટીએના અધ્યક્ષ શ્રી મિલિંદ તોરાવણે, આઈએએસ એ તેમના અભિનંદન સંદેશમાં જણાવ્યું હતું.
ઈશાન કેલિફોર્નિયાના મિલપિટાસમાં ઈન્ડિયન કોમ્યુનિટી સેન્ટરમાં ટ્રેનિંગ સેશનમાં હાજરી આપવા માટે યુએસમાં છે.