કઝિનના લગ્નમાં ઐશ્વર્યા ને અભિષેકે ઠુમકા લગાવ્યા
મુંબઈ: બોલિવુડના મેગાસ્ટાર અમિતાભ બચ્ચનનો પરિવાર સૌથી વધુ ચર્ચામાં રહે છે. અમિતાભ બચ્ચનની પૌત્રી આરાધ્યા બાળપણથી જ સેલિબ્રેટીઝની જેમ પોપ્યુલર છે. તેની વિડીયો અને તસવીરો અવારનવાર સોશિયલ મીડિયા પર વાયરલ થતી રહે છે. જે ફેન્સને ખૂબ પસંદ આવે છે.
હાલમાં જ આરાધ્યાનો એક વિડીયો વાયરલ થઈ રહ્યો છે જેને ફેન્સ ખૂબ પસંદ કરી રહ્યા છે. આ વિડીયોમાં આરાધ્યા પોતાના પિતા અભિષેક બચ્ચનની ફિલ્મના ગીત પર ડાન્સ કરતી જાેવા મળે છે. આરાધ્યા મમ્મી અને પપ્પા સાથે ફિલ્મ ‘દોસ્તાનાના ગીત ‘દેસી ગર્લ’ પર ઠુમકા લગાવતી જાેવા મળે છે. અભિષેક-ઐશ્વર્યા અને આરાધ્યા સ્ટેજ પર ડાન્સ કરી રહ્યા છે. વિડીયોમાં અભિષેક, ઐશ્વર્યા અને આરાધ્યા ઉપરાંત અન્ય મહેમાનો પણ સ્ટેજ પર જાેવા મળી રહ્યા છે.
‘દેસી ગર્લ’ ગીત વાગતાંની સાથે જ ઐશ્વર્યા અને અભિષેક ડાન્સ કરે છે અને આરાધ્યા પણ તેમનો સાથ આપે છે. ત્રણેય ડાન્સ કરી રહ્યા હતા ત્યારે લોકો ચિચિયારીઓ પાડીને તેમનો ઉત્સાહ વધારી રહ્યા હતા. ડાન્સ પૂરો થયા બાદ ઐશ્વર્યા દીકરીને ખુશીથી ભેટી પડે છે. મહેમાનો પણ આરાધ્યાના ડાન્સને જાેઈને દંગ રહી જાય છે. આરાધ્યા ઈન્ડો-વેસ્ટર્ન આઉટફિટમાં સુંદર લાગી રહી હતી.
ફેન પેજ પર આ વિડીયો શેર કરવામાં આવ્યો છે. આ ત્રણેય ઐશ્વર્યની કઝિન શ્લોકા શેટ્ટીના લગ્નમાં પહોંચ્યા હતા. અગાઉ પણ લગ્નના ફંક્શનની કેટલીક તસવીરો સામે આવી હતી. જેમાં ઐશ્વર્યા એથનિક લૂકમાં ખૂબ જ ખૂબસૂરત લાગી રહી હતી. ટીકો, ખુલ્લા વાળ અને ડાયમંડ જ્વેલરીમાં ઐશ્વર્યા આકર્ષક લાગતી હતી. ઐશ્વર્યાનો આ લૂક ચર્ચામાં છે. ઐશ્વર્યાએ પાર્ટીમાં ઘણા લોકો સાથે ફોટો પણ ક્લિક કરાવ્યા હતા.
