કપલની શોધખોળ કરતાં પરિવારને ગામની સીમમાંથી મળ્યા મૃતદેહો
દાહોદ, દેવગઢ બારીયા તાલુકાના કાળીડુંગરી ગામે એક દંપતીએ આત્મહત્યા કરી લેતાં ચકચાર મચી છે. પાંચ દિવસ અગાઉ જ ગામમાં રહેતાં આ પ્રેમીપંખીડાંએ લગ્ન કર્યા હતા. લગ્નના ગણતરીના દિવસોમાં જ બંનેએ મોતને વહાલું કરી લેતાં ગામ આખામાં ચર્ચાનો વિષય બન્યા છે. બુધવારે રાત્રે યુવક અને યુવતી બંને ગાયબ થઈ જતાં પરિવારે તેમની શોધખોળ આદરી હતી. પરંતુ તેઓ મળ્યા નહોતા.
જે બાદ બીજે દિવસે સવારે ગામની સીમમાંથી તેમનાં મૃતદેહો મળી આવ્યા હતા. સ્થાનિક મીડિયાના અહેવાલ અનુસાર, દાહોદ જિલ્લાના દેવગઢ બારીયા તાલુકાના કાળીડુંગરી ગામના એક જ કુટુંબના યુવક-યુવતીએ બુધવારે સીમમાં દૂર જઈને મોત વહાલું કર્યું હતું.
કાળીડુંગરી ગામના લક્ષ્મણ સેન્ડા પટેલનો પરિવાર ઊંઘતો હતો. રાત્રે બારેક વાગ્યાની આસપાસ તેઓ ઘરની બહાર નીકળ્યા ત્યારે તેમણે જાેયું કે તેમની દીકરી ગાયબ છે.
જેથી ઘરના સભ્યોએ આસપાસ તપાસ કરી હતી. મોડી રાત સુધી લક્ષ્મણ સેન્ડા પટેલ અને તેમના પરિવાર શોધખોળ કરી પરંતુ પત્તો ના લાગતાં તેઓ સૌ ઘરે આવીને ઊંઘી દયા હતા. બીજે દિવસે સવારે નવ વાગ્યાની આસપાસ ફળિયાના છોકરાઓ ઢોર ચરાવવા માટે ગામની સીમ તરફની ડુંગરી બાજુ જતાં હતા ત્યાં પથ્થર ઉપર આ છોકરી અને ગામનો જ યુવક કિરીટ ત્યાં ટેકરી પર ઊંઘતા જાેવા મળ્યા હતા.
જેથી ગોવાળિયા છોકરાઓ દોડીને આ અંગે છોકરીના ઘરે કહેવા આવ્યા હતા. જાણકારી મળતાં જ પરિવાર તાત્કાલિક ત્યાં પહોંચ્યો હતો. પરિવારે ત્યાં જઈને જાેયું તો તેમને ફાળ પડી હતી.
છોકરા અને છોકરી બંનેના મોંમાંથી ફીણ નીકળતું હતું. જેથી પરિવારને અંદાજાે આવી ગયો કે યુવતીએ તેના પ્રેમી સાથે જીવન ટૂંકાવી લીધું છે. આ ઘટના અંગે યુવતીના કાકા રમણ પ્રતાપ પટેલે દેવગઢ બારીયા પોલીસ મથકે ફરિયાદ નોંધાવી હતી. પોલીસે આત્મહત્યાનો ગુનો નોંધીને આ મામલે વધુ તપાસ હાથ ધરી છે.SS1MS
