કપિલે અક્ષયને નોટો ગણવાનું મશીન ગિફ્ટ કર્યું
મુંબઈ: બોલિવૂડનો ખેલાડી અક્ષય કુમાર હાલમાં પોતાની મોસ્ટ અવેઈટેડ ફિલ્મ લક્ષ્મી બોમ્બના પ્રમોશનને લઈને ખૂબ વ્યસ્ત છે. અક્ષયની આ ફિલ્મ આગામી મહિને ૯ નવેમ્બરે ઓટીટી પ્લેટફોર્મ પર રિલીઝ થવાની છે. જણાવી દઈએ કે આ અઠવાડિયે ધ કપિલ શર્માશોમાં અક્ષય પોતાની ફિલ્મનું પ્રમોશન કરતા જોવા મળશે,
જ્યારથી કપિલનો શો આવ્યો છે, ત્યારથી અક્ષય લગભગ પોતાની તમામ ફિલ્મોના પ્રમોશન માટે તેના શો પર જરૂર આવે છે.
અહીં પર તેની સાથે કિયારા અડવાણી અને રિયલ લક્ષ્મી પણ જોવા મળશે. જણાવી દઈએ કે, અક્ષય અને કપિલ ખૂબ જૂના મિત્રો છે. જ્યારથી કપિલનો શો આવ્યો છે, ત્યારથી અક્ષય લગભગ પોતાની તમામ ફિલ્મોના પ્રમોશન માટે તેના શો પર જરૂર આવે છે. શોના આવનારા એપિસોડનો એક પ્રોમો રિલીઝ થવાની સાથે જ સોશિયલ મીડિયા પર વાઈરલ થઈ ચૂક્યો છે. આ પ્રોમોમાં અક્ષય અને કપિલ મળીને ધમાલ મચાવતા જોવા મળી રહ્યા છે.
આ નોટ ગણવાનું મશીન કપિલે મને પોતાના ઘરેથી લાવીને આપ્યું છે.
આ દરમિયાન કપિલ અક્ષય કુમારને નોટ ગણવાનું મશીન ગિફ્ટમાં આવે છે, તો અક્ષય કહે છે, આ નોટ ગણવાનું મશીન કપિલે મને પોતાના ઘરેથી લાવીને આપ્યું છે. ઈન્ડસ્ટ્રીના અડધા પૈસા તો આ જ ખાઈ જાય છે તમે કહ્યું હતું. ઉલ્લેખનીય છે કે અક્ષય કુમારની લક્ષ્મી બોમ્બ ડિઝની પ્લસ હોટસ્ટાર પર દિવાળીના અવસરે એટલે કે ૯ નવેમ્બરે રિલીઝ થવાની છે.
હોરર-કોમેડી ફિલ્મમાં અક્ષય કુમાર એક ટ્રાન્સજેન્ડરની ભૂમિકામાં જોવા મળશે.
મેકર્સ ફિલ્મને હોટસ્ટાર ઉપરાંત ઓસ્ટ્રેલિયા, ન્યૂઝીલેન્ડ અને યુએઈમાં થિયેટર્સમાં રિલીઝ કરવાનો પ્લાન બનાવ્યો છે. રાઘવ લોરેન્સ દ્વારા નિર્દેશિત આ હોરર-કોમેડી ફિલ્મમાં અક્ષય કુમાર એક ટ્રાન્સજેન્ડરની ભૂમિકામાં જોવા મળશે.
નોંધનીય છે કે અક્ષય કુમારે આ પહેલા પોતાની ઘણી ફિલ્મોના પ્રમોશન માટે કપિલના શોમાં ગયો હતો. જેમાં દરેક વખતે કપિલ શર્મા શો દ્વારા એક્ટરની કમાણીને લઈને મજાક કરવામાં આવતો હતો. પાછલા વર્ષે અક્ષયની બેક ટુ બેક ઘણી ફિલ્મો રિલીઝ થઈ હતી.
