કરીના કપૂર ખાન સાથે ‘દાયરા’માં પૃથ્વીરાજ સુકુમારન પણ જોડાશે

ડિરેક્ટર મેઘના ગુલઝારની આ ફિલ્મ સત્ય ઘટનાઓ પર આધારિત હશે

હંસલ મહેતા સાથે કામ કર્યા પછી હવે કરીના ‘રાઝી’ અને ‘સેમ બહાદુર’ ના ડિરેક્ટર મેઘના ગુલઝારની ફિલ્મમાં કામ કરવાની છે

મુંબઈ,કરીના કપૂર ખાન છેલ્લા કેટલાક સમયથી વૈવિધ્યપૂર્ણ રોલ કરવાની સાથે પેરેલલ સિનેમા અને સંદેશાત્મક ફિલ્મો માટે જાણીતા ડિરેક્ટર્સ સાથે કામ કરી રહી છે. હંસલ મહેતા સાથે કામ કર્યા પછી હવે કરીના ‘રાઝી’ અને ‘સેમ બહાદુર’ના ડિરેક્ટર મેઘના ગુલઝારની ફિલ્મમાં કામ કરવાની છે. પ્રાથમિક રીતે આ ફિલ્મનું નામ ‘દાયરા’ આપવામાં આવ્યું છે. શરૂઆતમાં આ ફિલ્મમાં કરીના સામે આયુષ્યમાન ખુરાના અને સિદ્ધાર્થ મલ્હાત્રા જેવા નામોની ચર્ચા હતી. પરંતુ હવે બંને કલાકારોએ ફિલ્મ છોડી દિધાં પછી આ ફિલ્મમાં પૃથ્વિરાજ સુકુમારનની પસંદગી કરવામાં આવી છે.

સત્ય ઘટનાઓ પર આધારિત આ ફિલ્મ મેઘના ગુલઝારની ‘સેમ બહાદુર’ પછી પહેલી ફિલ્મ હશે. સૂત્રોના જણાવ્યા અનુસાર,“ડેટ્‌સના કારણે આયુષ્યમાન ખુરાના અને સિદ્ધાર્થ મલ્હાત્રાએ ‘દાયરા’ ફિલ્મ છોડી દિધી છે, તેથી પૃથ્વીરાજનો સંપર્ક કરવામાં આવ્યો હતો. તેને ફિલ્મની સ્ક્રિપ્ટ અને તેની પાછળ રહેલો સંદેશ પસંદ પડ્યો છે. સ્ટોરીને આગળ વધારવા માટે તેનો રોલ મહત્વનો છે. જ્યારે કરીના આ ફિલ્મમાં નવા અવતારમાં જોવા મળશે, જે બહુ શક્તિશાળી નહીં હોય, તે નબળી અને સહજ હશે. પૃથ્વીરાજે સ્ક્રિપ્ટ સાંભળી છે અને તે આ ફિલ્મ માટે ઉત્સુક છે. જોકે હજુ તેણે ફિલ્મ સાઇન કરી નથી.”પૃથ્વીરાજે છેલ્લે ‘બડે મિયાં છોટે મિયાં’માં કામ કર્યું હતું. જેમાં તેણે અક્ષય કુમાર અને ટાઇગર શ્રોફ સામે વિલનનો રોલ કર્યાે હતો.ss1