કુમકુમ ભાગ્યમાં રિયા મહેરાનો રોલ કરશે ટીના

મુંબઇ, ટીવી એક્ટ્રેસ પૂજા બેનર્જીએ સીરિયલ ‘કુમકુમ ભાગ્યને અલવિદા કહી દીધું છે. પૂજા બેનર્જી પ્રેગ્નેન્ટ છે અને આવતા મહિને તેના બાળકનો જન્મ થવાનો છે ત્યારે તેણે શો છોડી દીધો છે. પૂજા બેનર્જીના સ્થાને હવે શોના મેકર્સે નવી એક્ટ્રેસને લીધી છે.

પૂજા ‘કુમકુમ ભાગ્ય’માં રિયા મહેરાનો રોલ કરતી હતી. હવે આ પાત્ર એક્ટ્રેસ ટીના ફિલિપ ભજવતી જાેવા મળશે. ટીના ફિલિપે હાલમાં જ આપેલા ઈન્ટરવ્યૂમાં પોતાના પાત્ર અને પૂજાનું સ્થાન લેવા અંગે વાત કરી છે. ટીનાએ પૂજાનું સ્થાન લેવા અંગે કહ્યું, “મેં પૂજાનું કામ જાેયું છે અને રિયાના રોલમાં તેણે ખૂબ સારું કર્યું છે.

આ શો છેલ્લા આઠ વર્ષથી ચાલી રહ્યો છે એટલે તેની પાછળ શાનદાર ટીમ હોવાની જ કારણકે તેના વિના શો આજે જ્યાં છે ત્યાં પહોંચી ના શકે. એટલે હું તેમના માર્ગદર્શન હેઠળ આગળ વધીશ અને લોકોએ પહેલા આ પાત્રને જેટલો પ્રેમ આપ્યો છે તેટલો મારા આવ્યા પછી પણ આપે તેવા પ્રયાસ કરીશ.

સતત બીજીવાર ટીના કોઈ ટીવી શોમાં એક્ટ્રેસને રિપ્લેસ કરી રહી છે. અગાઉ તેણે ‘મન કી આવાઝ પ્રતિજ્ઞા ૨’માં એક્ટ્રેસ ભૂમિકા ગુરંગને રિપ્લેસ કરી હતી. ટીના સ્વીકારે છે કે ટીવી શોમાં કોઈ પાત્રમાં જામી ગયેલા એક્ટરનું સ્થાન લેવું સરળ નથી પરંતુ આ પડકારો જ એક્ટરની જર્ની રસપ્રદ બનાવે છે તેમ ટીના કહે છે.

“કોઈનું સ્થાન લેવું ચોક્કસથી પડકારરૂપ છે અને ખાસ કરીને જે-તે એક્ટરે પાત્રમાં પોતાનો જીવ રેડી દીધો હોય ત્યારે વધુ મુશ્કેલ થઈ પડે છે. મારા માટે પૂજાની ક્ષમતા સુધી પહોંચવું ચોક્કસ મુશ્કેલ હશે પરંતુ હું મારાથી બનતા તમામ પ્રયાસ કરીશ”, તેમ ટીનાએ ઉમેર્યું.

ટીનાએ કહ્યું, “ચાર્ટર્ડ અકાઉન્ટન્ટની નોકરી છોડીને હું યુકેથી ભારત આવી હતી. મારા પરિવાર, સ્કૂલના મિત્રો અને સારા પગારની નોકરી છોડીને આવી હતી. મુંબઈમાં મારી પાસે કોઈ ફિલ્મી કોન્ટેક્ટ નહોતા કે અહીં કોઈ સંબંધી પણ નહોતા રહેતા. અત્યાર સુધી મેં જે કંઈ કર્યું છે તે મારા એક્ટિંગ પ્રત્યેના પ્રેમને લઈને કર્યું છે. જે કરું છું તે દિલથી કરું છું અને પૂરા મનથી કરું છું પછી ડરવાનું શા માટે.

ઉલ્લેખનીય છે કે, થોડા દિવસ પહેલા જ ‘કુમકુમ ભાગ્ય’ના સેટ પર પૂજા બેનર્જીને ફેરવેલ આપવામાં આવી હતી. જેનો વિડીયો પૂજાએ ઈન્સ્ટાગ્રામ પર શેર કરતાં સૌનો આભાર માન્યો હતો.SSS