ખતરોં કે ખેલાડીમાં હોસ્ટ રોહિત શેટ્ટી નિકી તંબોલીના નખરાથી કંટાળ્યો
મુંબઈ: ખતરોં કે ખિલાડીની ૧૧મી સીઝનના લેટેસ્ટ એપિસોડમાં નિક્કી તંબોલીનો શૉના હોસ્ટ રોહિત શેટ્ટીએ ક્લાસ લઈ લીધો છે. આટલુ જ નહીં, શૉના હોસ્ટ રોહિત શેટ્ટીએ નિક્કીને કહ્યું કે તેના કરતા સારું પર્ફોમન્સ સૌરભ રાજ જૈનનુ હતું, જે શૉમાંથી એલિમિનેટ થઈ ગયો છે. આ આખી વાત એક ટાસ્ક દરમિયાન બની હતી, જેમાં નિક્કી તંબોલીના નખરા જાેઈને રોહિત ગુસ્સે થઈ ગયો. નિક્કીને શૉમાં બીજી તક મળી છે. રોહિતના ગુસ્સાનું એક કારણ એ પણ છે
નિક્કીને બીજી તક મળી હોવા છતા તેને તેનું મૂલ્ય નથી સમજાતુ. નિક્કી તંબોલી શૉમાં રાહુલ વૈદ્ય અને અનુષ્કા સેન સાથે શ્વેતા તિવારીની ટીમનો ભાગ હતી. તેને એક લોખંડની સાંકળ સાથે બાંધવામાં આવી હતી. ટાસ્ક દરમિયાન તેણે એક બોક્સમાંથી ચાવી નીકાળવાની હતી. બોક્સમાં સાપ મુકવામાં આવ્યા હતા. નિક્કી પોતાના ડર પર નિયંત્રણ ના કરી શકી અને તેણે આ ટાસ્ક શરુ કરતા પહેલા જ છોડી દીધો. તેની સાથે અનુષ્કા સતત ટાસ્કને પૂરો કરવાનો પ્રયત્ન કરી રહી હતી.
અનુષ્કાએ ટાસ્ક પૂરો કર્યો પરંતુ નિક્કી પ્રયત્ન કર્યા વિના જ વૉકઆઉટ થઈ ગઈ. રોહિત શેટ્ટીએ તેનું મનોબળ વધારવાનો પણ પ્રયત્ન કર્યો. પરંતુ નિક્કી માની નહીં, માટે રોહિતને ગુસ્સો આવી ગયો. તેણે નિક્કીને કહ્યું કે, સૌરભ રાજ જૈન તેના કરતા ઘણો સારો કન્ટેસ્ટન્ટ હતો. રોહિત શેટ્ટીએ કહ્યું કે, દરેક વ્યક્તિનું એવુ નસીબ નથી હોતું કે તેને બીજી તક મળે. રોહિતે નિક્કીને સમજાવવાનો પ્રયત્ન કર્યો કે, ટીમના બાકીના પાંચ સભ્યો તેના પર ર્નિભર છે.
