ખાવાની શોખીન મીરાએ કરવા ચોથનું વ્રત ન રાખ્યું

મુંબઈ, મીરા રાજપૂત અને શાહિદ કપૂર બોલિવુડના ક્યૂટ કપલમાંથી એક છે. બંને સોશિયલ મીડિયા પર એકબીજા સાથેની મજેદાર પોસ્ટ શેર કરતાં રહે છે. ગઈકાલે એક તરફ જ્યાં કરવા ચોથ પર બોલિવૂડની હીરોઈનો પતિ સાથેની તસવીરો શેર કરતી જોવા મળી, તો મીરાએ શાહિદ માટે ઈન્સ્ટાગ્રામ પર મેસેજ શેર કર્યો છે.

મીરાએ સોશિયલ મીડિયા પર લખ્યું છે કે, ‘બેબી હું તને પ્રેમ કરું છું. પરંતુ ફૂડને પણ કરું છું. આપણા હંમેશા માટેના આ થ્રીસમ માટે હેપી કરવા ચોથ. આવતા વર્ષે ફરીથી પ્રયાસ કરીશ. તારા સારા સ્વાસ્થ્ય અને ખુશીની કામના કરુ છું’. આ પોસ્ટ પરથી મીરા આ વખતે શાહિદ માટે કરવા ચોથનું વ્રત ન રાખી શકી હોવાનું લાગી રહ્યું છે.

મીરા રાજપૂત ઘણા ઈન્ટરવ્યૂમાં કહી ચૂકી છે કે તે ફૂડી છે. તેની ઝલક તેના ઈન્સ્ટાગ્રામ પર પણ જોવા મળી શકે છે. તે ઘણીવાર ફૂડની તસવીરો અને વીડિયો શેર કરતી રહે છે. બીજી તરફ શાહિદ કપૂરે હાલમાં જ મીરા સાથેની બ્લર તસવીર શેર કરી હતી. જેના કેપ્શનમાં તેણે લખ્યું હતું કે, ‘હું તને મિસ કરી રહ્યો છું’. તો મીરાએ આ પોસ્ટ પર કોમેન્ટ કરતાં લખ્યું હતું કે, ‘હું પણ ‘હું તને મિસ કરી રહી છું’ પોસ્ટ નથી મૂકી તો શું તું ખુશ નથી’

આ પહેલી વખત નથી જ્યારે શાહિદે મીરા માટે રોમાન્ટિક પોસ્ટ શેર કરી હોય. સપ્ટેમ્બરમાં જ્યારે મીરાનો બર્થ ડે હતો ત્યારે તેણે એક સુંદર તસવીર પોસ્ટ કરી હતી અને વિશ કરતાં લખ્યું હતું કે, ‘હેપી બર્થ ડે મારી લવ. તું અંદરથી પણ એટલી સુંદર છે. તું મારા જીવનમાં છે તે વાતની મને ખુશી છે’.

શાહિદ કપૂર અને મીરા રાજપૂતે વર્ષ ૨૦૧૫માં લગ્ન કર્યા હતા. તેમના લગ્નને હાલમાં જ પાંચ વર્ષ પૂરા થયા છે. તેમના અરેન્જ મેરેજ થયા છે. શાહિદ મીરા કરતાં ૧૪ વર્ષ મોટો છે. કપલ ઝૈન અને મીશા નામના બે બાળકોના માતા-પિતા છે.SSS