ખેલાડીઓ માટે ઉપયોગી પંખા સાથેનું માસ્ક તૈયાર કર્યું

નવી દિલ્હી, ભારતીય ઓલિમ્પિક એસોસિએશન (આઇઓએ) તેના ઓલિમ્પિક ખેલાડીઓ માટે સખત પ્રેક્ટિસ સુનિશ્ચિત કરવા માટે બેટરી સંચાલિત માસ્કનો ઉપયોગ એક પરીક્ષણ તરીકે કરશે. આ માસ્ક આઈઆઈટી ખડગપુરના ભૂતપૂર્વ વિદ્યાર્થીઓ દ્વારા તૈયાર કરવામાં આવ્યું છે અને એવો દાવો કરવામાં આવ્યો છે કે તેના પહેરનારને મહત્તમ ઓક્સિજન મળે છે. માસ્કમાં બંને બાજુ શ્વાસ લેવા વાલ્વ હશે, જેમાં પંખા લાગેલા હશે, જે વધુ ઓક્સિજન પ્રદાન કરવામાં મદદ કરશે.

આઈઓએ ‘પીક્યુઆર ટેકનોલોજી પ્રાઇવેટ લિમિટેડ’ ધરાવતા આઈઆઈટી ખડગપુરના પિયુષ અગ્રવાલ સાથે જોડાણ કર્યું છે અને ‘કવચ માસ્ક પ્રોજેક્ટ’ હેઠળ સરકાર પાસેથી પૈસા પણ મળ્યા છે. તેમની સ્ટાર્ટ અપ હાલમાં આઈઆઈટી દિલ્હી સાથે જોડાયેલી છે. આ માસ્કનું બ્રાન્ડ નામ ‘મોક્ષ’ છે. અગ્રવાલ છેલ્લા બે વર્ષથી માસ્કની ડિઝાઇન અને નિર્માણ સાથે સંકળાયેલા છે. તેમણે પ્રદુષણ સબંધિત માસ્કથી શરૂઆત કરી હતી. આઈઓએ સેક્રેટરી જનરલ રાજીવ મહેતાએ જણાવ્યું હતું કે બેટરીથી ચાલતા માસ્ક પર પહેલા કેટલાક ઓલિમ્પિક ખેલાડીઓ પર ટ્રાયલ કરવામાં આવશે. આ દરેક માસ્કની કિંમત આશરે ૨૨૦૦ રૂપિયા છે.

જો ખેલાડીઓને શ્વાસ લેવામાં તકલીફ ન પડે અને આ સાથે, ઓલમ્પિકમાં ભાગ લેનારા તમામ ખેલાડીઓ અને અન્ય લોકો આઈઓએ મેડિકલ કમિશનની મંજૂરી લીધા પછી તેનો ઉપયોગ કરશે. મહેતાએ કહ્યું હતું કે, ‘હું પહેલા ખેલાડીઓની પ્રેક્ટિસને પુન સ્થાપિત કરવા અંગે ખૂબ સાવધ હતો પરંતુ હવે જ્યારે ખેલાડીઓએ પ્રેક્ટિસ શરૂ કરી દીધી છે અને અમને ખબર નથી કે આ રોગચાળો ક્યારે સમાપ્ત થશે, આપણે શ્રેષ્ઠ સંભવિત પગલાં વિશે વિચાર કરવો પડશે અને અમને એક માસ્કનો વિચાર ગમ્યો જે સખત પ્રેક્ટિસ માટે સલામત લાગે છે. ‘તેમણે કહ્યું, ‘જો ખેલાડીઓ પર અજમાયશમાં આ માસ્ક આરામદાયક લાગે, તો પછી અમે શરૂઆતમાં ૧૦૦૦ માસ્કનો ઓર્ડર આપીશું. અમે અજમાયશ માટે શરૂઆતમાં ૧૦-૧૫ ખેલાડીઓને માસ્ક આપવાની આશા રાખીએ છીએ. અમે ૧૦ દિવસની અંદર કામગીરી શરૂ કરીશું. દેશમાં મોટાભાગની રમતો માટે પ્રેક્ટિસ શરૂ થઈ ગઈ છે પરંતુ ખેલાડીઓને કઠીન અભ્યાસ કરવા અને કોરોના વાયરસના ચેપને ટાળવા કહેવામાં આવ્યું છે. મહેતાએ કહ્યું હતું કે, ભારતીય પ્રોજેક્ટ સફળ થાય તો આઈઓએ અન્ય દેશોને આ માસ્કનો ઉપયોગ કરવાની ભલામણ કરી શકે છે.

અગ્રવાલે દાવો કર્યો હતો કે માસ્ક બે હેતુ માટે કામ કરશે. તે કોવિડ -૧૯ થી ખેલાડીઓનું રક્ષણ કરશે અને તેઓ તેને પહેરીને સખત પ્રેક્ટિસ પણ કરી શકશે કારણ કે તેની ડિઝાઇન એવી રીતે કરવામાં આવી છે કે તેને પહેરવાથી શરીરને અન્ય માસ્ક કરતાં વધુ ઓક્સિજન મળે છે. તેમણે કહ્યું, ‘દુનિયામાં આવું કોઈ માસ્ક નથી, તેને પહેરવાથી આપણા માસ્કની જેમ વધુ સારી રીતે ઓક્સિજન મળે. તે ખેલાડીઓ માટે સલામત છે અને તેઓ તેને પહેરી શકે છે અને સઘન વ્યાયામ કરી શકે છે. આ માસ્કનો ઉપયોગ ન થાય ત્યારે પાઉચમાં રાખવું પડે છે. દરેક માસ્કમાં પંખા જોડાયેલા હોય છે અને બંને બાજુ શ્વાસ લેવા વાલ્વ હશે. જો કે, આ પંખામાંથી કોઈ અવાજ આવશે નહીં.HS

Click on logo to read epaper English

Click on logo to read epaper Gujrati