ચારુ અસોપા દીકરી સાથે સાયકલ પર લટાર મારવા નીકળી
મુંબઈ, ટીવી અભિનેત્રી ચારુ અસોપા તાજેતરમાં જ સોશિયલ મીડિયા પર શેર કરવામાં આવેલા એક વીડિયોને કારણે ટ્રોલ થઈ છે. અહીં ટ્રોલર્સ ચારુ અસોપા અને દીકરીની સુરક્ષા માટે તેને સલાહસૂચનો આપી રહ્યા છે. વીડિયોમાં જાેઈ શકાય છે કે, ચારુ અસોપાએ દીકરી ઝિયાનાને પીઠ પર બાંધી છે. અને તે સાયકલ ચલાવી રહી છે. આ જાેઈને યુઝર ચારુને બેદરકાર માતા કહી રહ્યા છે.
મેરે અંગને મેં ફેમ અભિનેત્રી ચારુએ વીડિયો શેર કરીને સાથે લખ્યું છે કે, અમારી રોક રાઈડર પર એકસાથે પ્રથમ રાઈડ. ચારુ અસોપાએ બેબી કેરિયરની મદદ લીધી છે અને ઝિયાના સાથે સાયકલ ચલાવી રહી છે. ઘણાં લોકોએ આ વીડિયો પર પ્રેમ પણ વરસાવ્યો છે અને ક્યુટનેસના વખાણ કર્યા છે.
ચોક્કસપણે ઝિયાના આ વીડિયોમાં ક્યુટ લાગી રહી છે. પરંતુ ઘણાં લોકો દીકરીની સુરક્ષાને દાવ પર મૂકવા બદલા અભિનેત્રીની ટીકા કરી રહ્યા છે. કમેન્ટ કરીને સોશિયલ મીડિયા યુઝર્સે લખ્યું છે કે અભિનેત્રીને માત્ર પોતાના કન્ટેન્ટની પડી છે. એક યુઝરે લખ્યું કે, હેલમેટ પહેરો.
View this post on Instagram
પોતે પણ હેલમેટ નથી પહેર્યું અને દીકરીને પણ નથી પહેરાવ્યુ, આ લાપરવાહી છે. જાે સાયકલનું સંતુલન ખોરવાઈ જાય અને અહીં પડી જવાય તો તુ પોતાની સાથે બાળકને પણ મુશ્કેલીમાં મૂકી દઈશ. તમે લોકો ચેનલ માટે વીડિયો બનાવતી વખતે કોમન સેન્સનો ઉપયોગ નથી કરતા? અન્ય એક યુઝરે લખ્યું કે, એક માતા તરીકે આ અત્યંત બેદરકારીભર્યું પગલું છે. તમારે દીકરીની સુરક્ષા કરવી જાેઈએ.
અન્ય એક યુઝરે લખ્યું કે, શો-ઓફ કરતી રહે છે. આખો દિવસ આટલી નાની બાળકીને ટીવી બતાવે છે અને પોતે રીલ્સ બનાવતી રહે છે. આ સિવાય અન્ય યુઝર્સે પણ તેને જાતજાતની સલાહ આપી છે, તેમજ ખરીખોટી પણ સંભળાવી છે.
ઉલ્લેખનીય છે કે સુષ્મિતા સેનના ભાઈ રાજીવ સેન અને પત્ની ચારુ અસોપાની દીકરી ઝિયાના છ મહિનાની થઈ ગઈ છે. ચારુ અને રાજીવ પોતાની દીકરીના તેમજ તેની સાથે પસાર કરેલી સુંદર ક્ષણોના વીડિયો સોશિયલ મીડિયા પર શેર કરતા રહે છે.SS1MS
